Vivo kompaniyasi X60 Pro flagmanlari sotuvi boshlanganini e’lon qildi. Fotoflagmanga FullHD+ sifatni qo‘llab-quvvatlashga qodir va 120 gertsli tasvir yangilanish chastotasiga ega 6,56 dyuymli displey o‘rnatilgan. U yangi avlod professional barqarorlashtirgich tizimi va ultimativ tungi rejimga ega, deb xabar beradi Hi-Tech.Mail.ru.
Xususan, professional barqarorlashtirgich 2.0 tasvirni to‘rtta o‘q bo‘yicha barqarorlashtirish imkonini beradi. Modifikatsiyaga uchragan IMX598 matritsali asosiy kameraning f/1,48 diafragmasi tungi va ekstremal sport turlarini suratga olishni ta’minlaydi. Shuningdek, smartfon obyektivning uzoq vaqt ochiq turishi (“viderjka”), 2.35:1 keng formatida video yaratish uchun mo‘ljallangan kinematografik rejimi va Biotar obyektivlarining o‘ziga xosligi bilan ajralib turadi.
Kameraning asosiy moduli uchta datchikdan iborat bo‘lib, ularning asosiysi 48 megapikselga teng. VIS 5 o‘qli barqarorlashtirgich tizimi smartfonning har qanday burchak ostida vibratsiyaga bardosh berishini ta’minlaydi. Pixel Shift Ultra HD texnologiyasi suratga olish vaqtida arxitektura, peyzajlar va atrofning yaxlitligini ta’minlashga javob beradi. Uchta mikrofon yordamida ovozni yozib olish mumkin.
Qurilmada protsessor sifatida Snapdragon 870’dan foydalanilgan. Operatsion tizimi 12 gigabayt (+ 3GB RAM), ichki xotirasi — 256 gigabayt. Smartfon 814 dollardan sotuvga chiqqan.
Avvalroq Vivo kompaniyasi ultraingichka, 64 Mp kamera va keng sig‘imli akkumulyatorga ega Vivo S9e modelini sotuvga chiqargani to‘g‘risida xabar berilgandi.
Izoh (0)