“Real” bosh murabbiyi Zinedin Zidan La Liga 30-turi doirasida “Barselona”ga qarshi kechadigan bahs oldidan o‘z fikrlari bilan o‘rtoqlashdi.
Bu Messi uchun so‘nggi klasiko bo‘lishini xohlamasdim. “Barselona”da qolishini tilayman, u jamoada o‘zini yaxshi his qiladi. Leo qoladigan bo‘lsa, bu La Liga uchun katta yutuq bo‘ladi.“Real” — “Barselona” uchrashuvi 10-apreldan 11-aprelga o‘tar kechasi 00:00 da boshlanadi. Uchrashuvdagi gollar videosini bu yerda kuzatib borish mumkin bo‘ladi — havola.Biz Messi qanday o‘yinchi ekanini bilamiz. Balki, u gol urmayotgan bo‘lishi mumkin (Messi “Real”ga qarshi o‘yinlarda 2018-yildan buyon gol ura olmayapti), biroq biz uning darajasini yaxshi bilamiz. “Barselona”ning barcha o‘yinchilari yaxshi saviyada. Biz ular o‘z kuchli jihatlarini ko‘rsata olmasligini uchun harakat qilamiz.
Bu o‘yin chempionlik masalasini hal qilmaydi. “Atletiko”ning ustun tomoni shundaki, ular birinchi bo‘lib o‘ynaydi. Nima bo‘lishidan qat’i nazar chempionat g‘olibi nomi so‘nggi turga qadar hal bo‘lmaydi.
La Liga — juda raqobatbardosh va ajoyib musobaqa. Bu yerda har bir jamoa g‘alaba qozonishi mumkin, biz bu kim bo‘lishini oxirigacha bilmaymiz. Oldinda juda ko‘p ochko o‘ynalishi kerak. Biz himoyada sezilarli o‘sishga erishdik. Agar g‘alaba qozonishni istasak, yaxshi o‘yin namoyish qilishimiz kerak. Mavsum hali yakunlanmadi va biz hech narsa yutmadik.
Zinedin Zidan, “Real” bosh murabbiyi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)