Futbol bo‘yicha O‘zbekiston Superligasi 5-turi doirasida “Mash’al” klubi Muborakda 9-aprel, juma kuni “Qo‘qon-1912”ni qabul qildi.
Tomonlar birinchi bo‘limda har qancha urinmasin o‘yinda hisob ochilmadi. Ikkinchi bo‘limning 52-daqiqasida qo‘qonliklar hujumga o‘tdi. O‘ng qanotdan Mo‘min Meliyev to‘pni egallab olgan holda darvoza tomon zarba berdi. To‘p tashqi tomondan to‘rdan o‘tgan holda darvozaga kirib ketdi. Hakamlar esa bu holatda gol bo‘ldi deya hisoblashdi. 78-daqiqada esa Shohnazar Norbekov mehmonlarning ikkinchi golini urdi.
Qolgan vaqtda hisob o‘zgarmadi va “Mash‘al” o‘z maydonida “Qo‘qon-1912”ga 0:2 hisobida mag‘lub bo‘ldi.
Ushbu g‘alabadan so‘ng “Qo‘qon-1912” jamoasi ochkolari sonini 9 taga yetkazib, musobaqa jadvalining 3-pog‘onasiga ko‘tarilib oldi. “Mash’al” esa 4 ochkosi bilan 13-o‘rindan joy olgan.
Superliga5-tur bahsi9-aprel, juma
“Mash’al”—“Qo‘qon-1912” 0:2
Gollar: 0:1 — 52 Mo‘min Meliyev, 0:2 — 78 Shohnazar Norbekov.
“Mash’al”: 12.Shohruh Eshbo‘tayev, 7.Ifeani Ifeani, 8.Ibe Mishel Okoro (22.Sirojiddin Qo‘ziyev, 64), 10.Humoyun Murtozayev, 11.Samuel Chigozi, 13.Shahzod Shaymanov, 17.Jamoliddin Ubaydullayev, 18.Abbos Shodmonov, 21.Ukeme Uilyams (20.Xudoyorxon Sagdullayev, 64), 23.Samandar Shukurullayev, 27.Muhammadali Yo’ldashev.
“Qo‘qon-1912”: 1.Muzaffar Abdullayev, 7.Asadbek Sobirjonov (13.Sardorbek Azimov, 84), 8.Farhod Bekmurotov, 11.Mo‘minjon Meliyev (10.Shohnazar Norbekov, 75), 14.Avazxon Mamatxo‘jayev, 15.Oybek Rustamov, 20.Iqboljon Malikjonov (91.Yakuba Bamba, 71), 22.Muhammadanas Hasanov, 23.Aleksandr Merzlyakov, 33.Ivan Yosovich, 70.Murod Xolmuhammedov.
Ogohlantirish: Ibe Mishel Okoro 44.
Izoh (0)