«Реал» бош мураббийи Зинедин Зидан Ла Лига 30-тури доирасида «Барселона»га қарши кечадиган баҳс олдидан ўз фикрлари билан ўртоқлашди.
Бу Месси учун сўнгги класико бўлишини хоҳламасдим. «Барселона»да қолишини тилайман, у жамоада ўзини яхши ҳис қилади. Лео қоладиган бўлса, бу Ла Лига учун катта ютуқ бўлади.«Реал» — «Барселона» учрашуви 10 апрелдан 11 апрелга ўтар кечаси 00:00 да бошланади. Учрашувдаги голлар видеосини бу ерда кузатиб бориш мумкин бўлади — ҳавола.Биз Месси қандай ўйинчи эканини биламиз. Балки, у гол урмаётган бўлиши мумкин (Месси «Реал»га қарши ўйинларда 2018 йилдан буён гол ура олмаяпти), бироқ биз унинг даражасини яхши биламиз. «Барселона»нинг барча ўйинчилари яхши савияда. Биз улар ўз кучли жиҳатларини кўрсата олмаслигини учун ҳаракат қиламиз.
Бу ўйин чемпионлик масаласини ҳал қилмайди. «Атлетико»нинг устун томони шундаки, улар биринчи бўлиб ўйнайди. Нима бўлишидан қатъи назар чемпионат ғолиби номи сўнгги турга қадар ҳал бўлмайди.
Ла Лига — жуда рақобатбардош ва ажойиб мусобақа. Бу ерда ҳар бир жамоа ғалаба қозониши мумкин, биз бу ким бўлишини охиригача билмаймиз. Олдинда жуда кўп очко ўйналиши керак. Биз ҳимояда сезиларли ўсишга эришдик. Агар ғалаба қозонишни истасак, яхши ўйин намойиш қилишимиз керак. Мавсум ҳали якунланмади ва биз ҳеч нарса ютмадик.
Зинедин Зидан, «Реал» бош мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)