O‘zbekiston Vazirlar Mahkamasining qarori bilan Jamshid Abdusalomov Xalqaro hamkorlik va rivojlanish agentligi direktori etib tayinlandi. Bu haqda Telegram’dagi “Huquqiy axborot” kanali xabar berdi.
Jamshid Abdusalomov lavozimga tayinlanguniga qadar Toshkent viloyati hokimi o‘rinbosari lavozimida faoliyat yuritgan.
Eslatib o‘tamiz, Investitsiyalar va tashqi savdo vazirligi huzuridagi Xalqaro hamkorlik va rivojlanish agentligi Vazirlar Mahkamasining 30-martdagi qarori bilan tashkil qilingan.
Avvalroq 2019-yilning yanvaridan buyon Monopoliyaga qarshi kurashish qo‘mitasi raisi lavozimida faoliyat yuritib kelgan Najmiddinxo‘ja Sharipov Toshkent viloyati hokimining investitsiya va tashqi savdo masalalari bo‘yicha o‘rinbosari lavozimiga tayinlangani to‘g‘risida xabar berilgandi. Najmiddinxo‘ja Sharipov ushbu lavozimda 2019-yildan beri ishlab kelayotgan Jamshid Abdusalomov o‘rnini egallagan.
Izoh (0)