76 yoshli Kelli hamda 70 yoshli Kerolayn nikoh to‘yi fotossesiyasini takrorlab, oltin yubileyini nishonladi. Ular 50 yil oldin turmush qurgan AQShning Ayova shtatidagi De-Moyn shahriga qaytib borgan. Uch farzandning onasi va to‘rt nabiraning buvisi Kerolayn o‘sha muhim kunda saqlab qo‘ygan libosini qaytadan kiygan.
Ayolning aytishicha, suratga olish ishlari bir yarim soat davom etgan. Shuningdek, o‘tgan vaqt mobaynida cherkov o‘zgarmagan. Ular 50 yil avval bir-biriga so‘z bergan joydan o‘tishga ham muvaffaq bo‘lgan.
Juftlik eski fotosessiyadagi barcha sahnalarni takrorladi. Endilikda ushbu epizodlar juda ham ta’sirli ko‘rinadi. Sababi bu suratlar ortida necha yillar yashirin?!
Kelli, afsuski, 50 yil avvalgi kostyumini kiya olmadi, ammo unga o‘xshashini sotib oldi. Kuyov libosi ham kelinniki singari ehtiyotkorlik bilan tikilgan bo‘lib, u atirgul taqishni ham unutmagan.
Kerolayn suratlarga qarab shunday deydi: “Men suratlarni tomosha qila turib, bir qancha ajinlarni ko‘rdim. Suratkashning fotoapparati juda yaxshi ekan, chunki yuzimdagi har bir ajin ko‘rinib turibdi”.
“Yosh tanlamas xonim”, “Uning ko‘zlari hanuzgacha chaqnaydi”, “U yanada baxtli ko‘rinadi”, “Qanday ajoyib”, deya izoh qoldirgan Facebook foydalanuvchilari.
Izoh (0)