Bugun,

  • USD 11095.31
  • RUB 173.84
  • EUR 10772.44

O‘zbekiston Prezidenti Shavkat Mirziyoyev 26-mart kuni Ikki tomonlama hamkorlik bo‘yicha qo‘shma komissiyaning navbatdagi yig‘ilishi ishida ishtirok etish uchun Toshkentda bo‘lib turgan Qirg‘iziston bosh vaziri Ulug‘bek Maripovni qabul qildi.

Uchrashuvda O‘zbekiston va Qirg‘iziston o‘rtasidagi ko‘p qirrali hamkorlikni yanada rivojlantirish masalalari ko‘rib chiqildi.

Davlat rahbari O‘zbekiston–Qirg‘iziston do‘stlik, yaxshi qo‘shnichilik va strategik sheriklik munosabatlarini mustahkamlash maqsadida yaqinda bo‘lib o‘tgan oliy darajadagi sammitda qabul qilingan kelishuvlarni o‘z vaqtida va to‘liq amalga oshirish muhim ekanini alohida ta’kidladi.

Bosh vazir Ulug‘bek Maripov, o‘z navbatida, O‘zbekiston Prezidentiga samimiy qabul uchun chuqur minnatdorchilik bildirib, Qirg‘iziston prezidenti Sadir Japarovning salomi va eng ezgu tilaklarini yetkazdi.

Foto: Prezident matbuot xizmati

Foto: Prezident matbuot xizmati

Qo‘shma komissiyaning hamraisi sifatida bo‘lib o‘tgan yig‘ilishning asosiy natijalari hamda qabul qilingan aniq qarorlar to‘g‘risida ma’lumot berdi.

Suhbat chog‘ida O‘zbekiston Prezidenti tovar ayirboshlash hajmini oshirish uchun qulay sharoitlarni shakllantirish, sanoat, energetika, qishloq va suv xo‘jaligida muhim kooperatsiya loyihalarini ilgari surish, Taraqqiyot fondi faoliyatini tez fursatda yo‘lga qo‘yish hamda hududlararo va madaniy-gumanitar almashinuvlarni kengaytirish masalalariga alohida e’tibor qaratdi.

Foto: Prezident matbuot xizmati

Foto: Prezident matbuot xizmati

Xitoy–Qirg‘iziston–O‘zbekiston temir yo‘lini qurishni tez fursatda boshlash hamda Andijon–O‘sh–Saritosh–Irkeshtom multimodal yo‘lagi bo‘ylab yuk tashishlar hajmini oshirishning dolzarb ahamiyati qayd etildi.

Uchrashuv yakunida Qirg‘iziston bosh vaziri ikki mamlakat davlat rahbarlari o‘rtasida erishilgan hamda keng ko‘lamli O‘zbekiston–Qirg‘iziston hamkorligini rivojlantirishga qaratilgan kelishuvlarni so‘zsiz amalga oshirishga bor sa’y-harakatini yo‘naltirishga tayyor ekanini ta’kidladi.

Bundan avval Qirg‘iziston bosh vaziri Toshkentga kelgani hamda O‘zbekiston va Qirg‘iziston bahsli chegara hududlarni xatlovdan o‘tkazishga kelishib olgani haqida xabar berilgandi.

Izoh
Asosiy yangiliklar
Mahalliy
“2022-yilda uy-joy narxlari ikkilamchi bozorda 28 foizga, aholi real daromadi esa 9 foizga oshdi” – Markaziy bank raisi
Biznes
Olmos gigantining merosxo‘ri, Adidas aksiyadori: Forbes Afrikaning eng boy odamlarini e’lon qildi
Mahalliy
Davletmurat Tajimuratov 16 yilga qamaldi, jurnalist Lolagul Qallixanova sud zalidan ozod qilindi