Yengil vazn toifasida harakat qiluvchi UFC jangchisi Jastin Getji o‘ziga kamar uchun jang qilish imkoniyati berilmayotganidan norozi ekanini ma’lum qildi.
Avvalroq Getji unga chempionlik jangida ishtirok etish imkoniyati berilmaydigan bo‘lsa, UFC’ni tark etishi mumkinligi haqida aytgandi.
Nimaga men kamar uchun jang qilmayapman? Kim biladi deysiz. Hozir bu haqida gapira olmayman. Balki, o‘tmishdagi gaplarim bilan kimningdir asabiga teggandirman. Shuni bilamanki, 12-13 yoshimdan beri Deyna Uayt intervyularda aytib kelgan barcha gaplarni eshitib kelaman. U har doim jangchilarda nima ko‘rishni xohlayotganini aytib keladi. Va men bu ishlarni qildim, men Uaytga kerak bo‘lgan o‘sha bezori bolaman.Habib Nurmagomedov faoliyatini yakunlagach, yengil divizion chempionlik kamari vakant bo‘lib qolmoqda. Avvalroq mazkur kamar uchun Maykl Chendler va Charlz Oliveyra bahs olib borishi xabar qilingandi.Agar meni hurmat qilishmasa, bu og‘ir botadi. Men har doim o‘zimni UFC’da ko‘rganman. Yana qayerdadir jang qilishni istamayman, hech qayerga ketmoqchi emasman. Biroq mening prinsiplarim — eng muhimi. Ko‘ramiz, nima bo‘lar ekan.
Jastin Getji, UFC jangchisi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)