Енгил вазн тоифасида ҳаракат қилувчи UFC жангчиси Жастин Гэтжи ўзига камар учун жанг қилиш имконияти берилмаётганидан норози эканини маълум қилди.
Аввалроқ Гэтжи унга чемпионлик жангида иштирок этиш имконияти берилмайдиган бўлса, UFC’ни тарк этиши мумкинлиги ҳақида айтганди.
Нимага мен камар учун жанг қилмаяпман? Ким билади дейсиз. Ҳозир бу ҳақида гапира олмайман. Балки, ўтмишдаги гапларим билан кимнингдир асабига теккандирман. Шуни биламанки, 12-13 ёшимдан бери Дэйна Уайт интервьюларда айтиб келган барча гапларни эшитиб келаман. У ҳар доим жангчиларда нима кўришни хоҳлаётганини айтиб келади. Ва мен бу ишларни қилдим, мен Уайтга керак бўлган ўша безори боламан.Ҳабиб Нурмагомедов фаолиятини якунлагач, енгил дивизион чемпионлик камари вакант бўлиб қолмоқда. Аввалроқ мазкур камар учун Майкл Чендлер ва Чарльз Оливейра баҳс олиб бориши хабар қилинганди.Агар мени ҳурмат қилишмаса, бу оғир ботади. Мен ҳар доим ўзимни UFC’да кўрганман. Яна қаердадир жанг қилишни истамайман, ҳеч қаерга кетмоқчи эмасман. Бироқ менинг принципларим — энг муҳими. Кўрамиз, нима бўлар экан.
Жастин Гэтжи, UFC жангчиси
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)