Rianna 13,8 mln dollarga hashamatli koshona sotib oldi (foto)

Amerikalik qo‘shiqchi va aktrisa Rianna yangi uy sotib oldi, deb xabar beradi “Korrespondent.net”.

Maydoni 700 kvadrat metrdan oshiq bo‘lgan ikki qavatli kottej Beverli-Xillzda joylashgan. Uy ichida ko‘plab keng xonalar mavjud — beshta yotoqxona, yettita vanna, sportzal va katta oshxona. Interyer aralash uslubda yaratilgan bo‘lib, o‘zida zamonaviy va an’anaviy elementlarni mujassam etgan.

Koshona ikki gektardan ortiq hududda joylashgan. Hovlida basseyn, spa-salon, “terassa” va barbekyu uchun zonani ham uchratish mumkin.

Endilikda qo‘chiqchi The Beatles guruhining sobiq a’zosi Pol Makkartni va qo‘shiqchi Merayya Keriga qo‘shni hisoblanadi.

Riannaning yangi uyi bunga qadar amerikalik yozuvchi Meri Sheldon va faylasuf Deniel Starrga tegishli bo‘lgan bo‘lib, ular uyni 4,3 million dollarga sotib olgan. Biroq qimmat ta’mirlash ishlaridan so‘ng uy 15 million dollar evaziga sotuvga qo‘yilgan. Rianna esa koshonani 13,8 million dollarga xarid qilgan.