Рианна 13,8 млн долларга ҳашаматли кошона сотиб олди (фото)

Америкалик қўшиқчи ва актриса Рианна янги уй сотиб олди, деб хабар беради «Korrespondent.net».

Майдони 700 квадрат метрдан ошиқ бўлган икки қаватли коттеж Беверли-Хиллзда жойлашган. Уй ичида кўплаб кенг хоналар мавжуд — бешта ётоқхона, еттита ванна, спортзал ва катта ошхона. Интерьер аралаш услубда яратилган бўлиб, ўзида замонавий ва анъанавий элементларни мужассам этган.

Кошона икки гектардан ортиқ ҳудудда жойлашган. Ҳовлида бассейн, спа-салон, «терасса» ва барбекю учун зонани ҳам учратиш мумкин.

Эндиликда қўчиқчи The Beatles гуруҳининг собиқ аъзоси Пол Маккартни ва қўшиқчи Мерайя Керига қўшни ҳисобланади.

Рианнанинг янги уйи бунга қадар америкалик ёзувчи Мери Шелдон ва файласуф Дэниэл Старрга тегишли бўлган бўлиб, улар уйни 4,3 миллион долларга сотиб олган. Бироқ қиммат таъмирлаш ишларидан сўнг уй 15 миллион доллар эвазига сотувга қўйилган. Рианна эса кошонани 13,8 миллион долларга харид қилган.