Dunyo bo‘yicha aholini koronavirusga qarshi emlash uchun keng ko‘lamdagi ishlar davom etmoqda. Bu jarayon 132 ta davlatda olib borilmoqda va hozirgacha 400 milliondan ortiq vaksina ishlatildi. Oxirgi ko‘rsatkichga ko‘ra, bir kun davomida jami 9,64 million doza vaksina qilingan. Bu haqda Bloomberg xabar berdi.
Pandemiya boshidan buyon AQShda 112 million vaksina ishlatildi. Mamlakatda bir haftadan buyon kuniga 2,47 million vaksina qilinyapti. Endi koronavirusga topshirgan testi ijobiy natija berganlardan ko‘ra emlangan aholi soni ko‘proq.
Aholisi eng ko‘p emlangan mamlakatlar:
- Xitoy (64,9 million);
- Yevropa Ittifoqi davlatlari (52,5 million);
- Hindiston (36,4 million);
- Buyuk Britaniya (27 million);
- Braziliya (14,4 million);
- Turkiya (12,3 million).
Isroil davlati esa kamida bitta dozada emlanganlar soni bo‘yicha yetakchilik qilmoqda (aholining 56,8 foizi).
Shuningdek, Ukrainada bir kun davomida 10 ming kishi davolandi. Mamlakatda koronavirusga qarshi vaksinaning birinchi dozasini olganlar soni 82 mingga yaqinlashdi.
Buyuk Britaniyada esa yoshi katta aholining deyarli yarmi emlandi. COVID-19 vaksinasining birinchi dozasini 25 million kishi, ikkinchi dozasini esa 1,7 million kishi qabul qildi.
Avvalroq Jahon sog‘liqni saqlash tashkiloti (JSST) koronavirusga qarshi AstraZeneca vaksinasi bilan emlashni davom ettirishni tavsiya qildi. JSST fikricha, vaksinaning afzalliklari uning xavfidan ustunroq.
Shuningdek, JSST butun dunyoda koronavirusga qarshi vaksinaga nisbatan ishonchsizlikni qayd etdi. JSST mutaxassislari emlash kampaniyasining muvaffaqiyatsizlikka uchrashidan qo‘rqadi, chunki bu boshqa vaksinatsiya dasturlariga salbiy ta’sir qiladi.
Mavzuga doir:
Izoh (0)