Amerika musiqa mukofoti − “Gremmi” laureatlari e’lon qilindi.

Yilning eng yaxshi taronasi Billi Aylishning “Everything I Wanted”, eng yaxshi albomi esa – Teylor Sviftning “Folklore” to‘plami deb topildi. Qozog‘istonlik dijey Imanbek Zeykenov “Roses” treki remiksi uchun mazkur mukofotga sazovor bo‘ldi.

Foto: “ruherald.com”

Los-Anjelesda AQSh Milliy san’at va fanlar akademiyasining 63-“Gremmi” taqdirlash marosimi bo‘lib o‘tdi. Tadbir onlayn olib borildi.

Foto:“spletnik.ru”

“Yil taronasi” nominatsiyasida Billi Aylish “Everything I Wanted” taronasi bilan g‘olib bo‘ldi. Shuningdek, ijrochining Jeyms Bond haqidagi “O‘lishning vaqti emas” filmi uchun kuylagan “No Time to Die” ijrosi “Eng yaxshi saundtrek” nominatsiyasida mukofotga loyiq deb topildi.

Foto: “err.ee”

Teylor Svift “Folklore” to‘plami bilan “Yil albomi” nominatsiyasi bo‘yicha “Gremmi”ni qo‘lga kiritdi. “Yil qo‘shig‘i” nominatsiyasida afroamerikalik Jorj Floyd xotirasiga bag‘ishlangan “I Can’t Breathe” kompozitsiyasi muallifi − xonanda H.E.R. g‘olib bo‘ldi.

Foto: “err.ee”

Qozog‘istonlik 20 yoshli dijey – Imanbek Zeykenov amerikalik reper Saint Jhn’ning “Roses” kompozitsiyasi remiksi uchun “Gremmi” g‘olibi bo‘ldi. U mukofotni qo‘lga kiritgan ilk qozog‘istonlik bo‘lib, uning versiyasidagi trek 20 haftadan ko‘proq ketma-ket Billboard Hot 100’ning eng yaxshi o‘ntaligiga kirgan. Imanbek aslida professional musiqachi emas. Ma’lum bo‘lishicha, u musiqa bilan shug‘ullanishdan avval Pavlodar viloyatida temiryo‘l xodimi bo‘lib ishlagan.

Foto: “Gazeta.uz”

Foto: “err.ee”

Foto: “err.ee”

Foto: “err.ee”

Foto: “err.ee”

Foto: “err.ee”

Foto: “err.ee”

Foto: “err.ee”

Foto: “err.ee”

Foto: “err.ee”

Foto: “err.ee”

Foto: “err.ee”

Foto: “err.ee”

Foto: “spletnik.ru”

“Gremmi-2021” laureatlari

  • Yil taronasi – “Everything I Wanted” (Billi Aylish);
  • Yil qo‘shig‘i – “I Can’t Breathe” (H.E.R.);
  • Yil albomi – “Folklore” (Taylor Svift);
  • Eng yaxshi yangi ijrochi – Megan Thee Stallion;
  • Eng yaxshi yakkaxon pop-ijrochi – “Watermelon Sugar” (Harry Styles)
  • Eng yaxshi pop-duet yoki guruh ijrosi – “Rain On Me” (Ledy Gaga, Ariana Grande);
  • Eng yaxshi an’anaviy vokal albom – “American Standard” (Jeyms Taylor);
  • Eng yaxshi pop-vokal albom – “Future Nostalgia” (Dua Lipa);
  • Eng yaxshi raqs taronasi – “10%” (Kaytranada, Kali Uchis);
  • Eng yaxshi raqs/elektron albom – “Bubba” (Kaytranada);
  • Eng yaxshi zamonaviy cholg‘u albomi – “Live At The Royal Albert Hall” (Snarky Puppy);
  • Eng yaxshi rok-ijro – “Shameika” (Fiona Apple);
  • Eng yaxshi metal-ijro – “Bum-Rush” (Body Count);
  • Eng yaxshi rok-qo‘shiq – “Stay High” (Brittani Govard);
  • Eng yaxshi rok-albom – “The New Abnormal” (The Strokes);
  • Eng yaxshi alternativ albom – “Fetch The Bolt Cutters” (Fiona Apple);
  • Eng yaxshi R&B-qo‘shiq – “Black Parade” (Beyonse);
  • Eng yaxshi an’anaviy R&B ijrochi – “Anything For You” (Ledisi);
  • Eng yaxshi R&B-albom – “Bigger Love” (John Legend);
  • Eng yaxshi rep ijrochi – “Lockdown” (Anderson .Paak);
  • Eng yaxshi rep/qo‘shiq bo‘yicha hamkorlik – “Savage” (Megan Thee Stallion, Beyonse);
  • Eng yaxshi rep – “Savage” (Megan Thee Stallion, Beyonse);
  • Eng yaxshi rep-albom – “King’s Disease” (Nas);
  • Eng yaxshi kantri-qo‘shiq – “Crowded Table” (The Highwomen);
  • Eng yaxshi kantri-albom – “Wildcard” (Miranda Lambert).

“Gremmi” g‘oliblarining birinchi taqdirlash marosimi 1959-yil 4-may kuni bo‘lib o‘tgan. Mukofot tarzida taqdim etiladigan grammofon haykalchasi 84 kategoriya bo‘yicha o‘z egalariga topshiriladi.