Eng yomonlar uchun mukofot: “Oltin malina”ning 2021-yilgi nominantlari e’lon qilindi

12-mart kuni yilning eng yomon aktyor, aktrisa va rejissorlariga topshiriluvchi “Oltin malina” mukofoti tashkilotchilari an’anaviy ravishda hazilomuz tarzda ishlangan videorolikda nominantlar bilan tanishtirdi, deb xabar beradi “Korrespondent.net”.

Eng yomonlar qatoridan ovoza bo‘lgan premyeralar va kino sanoatining eng mashhur yulduzlari o‘rin olgan.

Eng ko‘p nominatsiyaga (6 tadan) “Doktor Dulittlning g‘aroyib sayohati” va “365 kun” kartinalari loyiq ko‘rilgan.

2021-yilgi “Otin malina”ning asosiy nominantlari

“Eng yomon film”:

• “Doktor Dulittlning g‘aroyib sayohati”;
• “365 kun”;
• “Mutlaq isbot”;
• “Myuzik”;
• “Fantaziyalar oroli”.

“Eng yomon rejissor”:

• Ron Xovard (“Elegiya Xillbilli”);
• Sia (“Myuzik”);
• Barbara Byalovas va Tomas Anders (“365 kun”);
• Stiven Geygan (“Dulittl”);
• Charlz Bend (“Barbi va Kendra”).

“Eng yomon aktyor”:

• Kichik Robert Dauni (“Dulittl”);
• Adam Sendler (“Xyubining xellouini”);
• Devid Speyd (“U qiz emas”);
• Maykl Lindell (“Mutlaq isbot”);
• Mikele Morrone (“365 kun”).

“Eng yomon aktrisa”:

• Enn Xeteuey (“U istagan so‘nggi narsa va jodugarlar”);
• Keti Xolms (“Qo‘g‘irchoq 2: Brams va Sekret”);
• Keyt Xadson (“Myuzik”);
• Loren Lapkus (“U qis emas”);
• Anna-Mariya Sikluska (“365 kun”).

Mukofot g‘oliblari 24-aprel kuni, “Oskar” mukofoti topshirilishidan oldin e’lon qilinadi.

Ma’lumot uchun, eng yomonlar uchun “Oltin malina” 1980-yilda amerikalik Jon Uilson tomonidan ta’sis etilgan.

Eslatib o‘tamiz, 2019-yilda Donald Tramp ikkita “Oltin malina” kinematografik antimukofotiga loyiq deb topilgandi.