Germaniyaning Transfermarkt portali 2021-yil mart holati bo‘yicha jahonning eng qimmat futbol ligalari reytingini e’lon qildi.
Unga ko‘ra, Angliya Premyer Ligasi dunyoning eng qimmat futbol ligasi nomini saqlab turibdi. APLda harakat qiluvchi futbolchilarning umumiy transfer qiymati 8,84 milliard yevroni tashkil etgan.
Keyingi o‘rinlarda Italiya A Seriyasi (5,11) va Ispaniya La Ligasi (4,86 milliard yevro) bormoqda. E’tiborlisi, Angliyaning ikkinchi darajali ligasi — Chempionship reytingda Portugaliya chempionatini ortda qoldirib, 6-o‘ringa ko‘tarilgan.
Dunyoning eng qimmat o‘nta futbol ligasi:
- APL (Angliya) — 8,84 milliard yevro
- A Seriya (Italiya) — 5,11 mlrd
- La Liga (Ispaniya) — 4,86 mlrd
- Bundesliga (Germaniya) — 4,52 mlrd
- Liga 1 (Fransiya) — 3,56 mlrd
- Chempionship (Angliya) — 1,26 mlrd
- Primyera (Portugaliya) — 1,16 mlrd
- Erediviziya (Niderlandiya) — 1,03 mlrd
- RPL (Rossiya) — 966 mln
- MLS (AQSh va Kanada) — 840 mln
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)