Rossiyaning “Soyuz-2” eltuvchi raketasi tarixda birinchi marta yangicha ranglarga bo‘yaladi, deb yozadi Meduza “Roskosmos”ga tayanib. U 20-mart kuni uchirilishi rejalashtirilgan.
“Soyuz” raketalarining an’anaviy kulrang-to‘q sariq tusi — oq-ko‘k rangga o‘zgartiriladi. Davlat korporatsiyasida qayd etishlaricha, dizayn Yuriy Gagarin koinotga birinchi parvozni amalga oshirgan “Vostok” eltuvchi raketasining Xalq xo‘jaligi yutuqlari ko‘rgazmasida turgan prototipidan ilhomlangan holda yaratilgan.
Taxminlarga ko‘ra, oq-ko‘k ranglardagi “Soyuz”lar kamida 2021-yilning oxirigacha parvoz qiladi.
“RIA Novosti” yozishicha, bungacha “Soyuz” raketalari ko‘p marta qandaydir hodisaga bag‘ishlab korpusiga rasmlar yopishtirilgan holda uchgan, ammo korpusning rangi doim kulrang-to‘q sariq bo‘lib qolgan.
12-aprel kuni Gagarinning koinotga ilk parvoziga 60 yil to‘ladi.
“Soyuz” oilasiga taalluqli raketalar 1966-yildan buyon ishlab chiqariladi.
Mavzuga doir:
- Rossiya iqlimni monitoring qiluvchi sun’iy yo‘ldoshni koinotga uchirdi (video)
- Boyqo‘ng‘irdan “Soyuz MS-17” uchirildi. U ilk bor kosmonavtlarni Xalqaro kosmik stansiyaga uch soatda yetkazib boradi
- Crew Dragon “Soyuz”dan yaxshiroqmi? “Roskosmos” inqirozga uchraydimi? Endi ruslarning yangi kemalari XKSga uchmaydimi? — SpaceX muvaffaqiyatidan keyingi kosmonavtika haqida
Izoh (0)