Monopoliyaga qarshi kurashish qo‘mitasi O‘zbekiston aeroportlarida koronavirusga qarshi o‘tkazilayotgan ekspress-testlar jarayoni borasida ko‘plab shikoyatlar kelib tushayotganini ma’lum qildi.
Shu sababli O‘zbekistonga kirib keluvchi shaxslarga arzon va sifatli koronavirusga antigen ekspress-test tekshiruvlarini tashkil etish maqsadida Respublika maxsus komissiyasi tomonidan tanlov asosida, jamoatchilikka e’lon bergan holda laboratoriyalarni qayta jalb etish choralari ko‘riladi.
Aeroportlardagi tender bo‘yicha hujjatlar:
Shuningdek, yaqin kunlarda Toshkent va Urganch aeroportlarida tadbirkorlik subyektlari orasida teng raqobat muhitini yaratishga qaratilgan shartlar asosida tanlov e’lon qilinishi rejalashtirilgan. Ushbu xizmat turlarini ko‘rsatish imkoniyatiga ega tadbirkorlik subyektlarini tanlovda teng shartlar asosida ishtirok etishlari mumkin.“Gazeta.uz”ning yozishicha, tanlov shartlariga ko‘ra, bitta test narxi (QQS bilan hisoblanganda) quyidagicha bo‘lishi lozim:
- Ekspress-test — 100 ming so‘mgacha;
- Talabalar uchun ekspress-test — 50 ming so‘mgacha;
- PZR-test — 200 min so‘mgacha.
Tanlov yakuni bo‘yicha o‘tkazish qobiliyati soatiga 500 yo‘lovchidan ortiq bo‘lgan aeroportlarga kamida ikkita laboratoriya o‘rnatiladi. Ayni vaqtda Toshkent aeroportida test olish bilan “Tibbiyot Dunyosi” xususiy laboratoriyasi shug‘ullanmoqda.
Eslatib o‘tamiz, koronavirus kirib kelishi va tarqalishining oldini olish yuzasidan chora-tadbirlar dasturini tayyorlash bo‘yicha Respublika maxsus komissiyasi qaroriga asosan, 2020-yilning 25-dekabridan e’tiboran O‘zbekistonga kirib kelayotgan shaxslardan koronavirus infeksiyasi antigenini aniqlash ekspress testini olish joriy etilgan.
Izoh (0)