Bugun,

  • USD 11095.31
  • RUB 173.84
  • EUR 10772.44

Toshkent shahrida o‘tkazilgan “Xavfsiz poytaxt” profilaktik tadbirlari doirasida Bektemir tumanida joylashgan Qo‘yliq dehqon bozori hududidagi “Shukrona” oshxonasida noqonuniy lotereya o‘yinlari tashkil etilgani aniqlandi, deya xabar bermoqda shahar IIBB matbuot xizmati.

Foto: Videodan skrinshot

Foto: Videodan skrinshot

Toshkent shahar IIBB jinoyat qidiruv boshqarmasi, DXX va shahar prokuraturasi xodimlari tomonidan 16-fevral, seshanba kuni olib borilgan tezkor tadbirlar natijasida oshxona ichida “Loto Bingo” nomli o‘yinda 21 nafar shaxs har bir biletga 2500 so‘m tikish yo‘li bilan tavakkalchilikka asoslangan yutuqli o‘yinda ishtirok etayotgani ma’lum bo‘ldi.

Lotereya o‘yini tashkilotchilari tomonidan davlat ro‘yxatidan o‘tmasdan, yuridik maqomiga ega bo‘lmay turib, ruxsat etilmagan va maxsus jihozlanmagan joyda, ya’ni oshxonada o‘yinlar tashkillashtirilgani sababli jinoyat holati kelib chiqqan.

Voqea joyiga jalb qilingan tezkor tergov guruhi tomonidan o‘yinda bo‘lgan 144 dona omadli raqam, 152 dona olmos baxtli raqam, 90 dona yog‘ochdan yasalgan o‘yin toshi, 750 dona taxtadan yasalgan fishka, 735 ming so‘m pul hamda fuqarolarni jalb qilish uchun foydalanilgan mikrofon va ovoz kuchaytirgich daliliy ashyo sifatida rasmiylashtirilgan.

Mazkur holat yuzasidan lotereya o‘yinini tashkil etgan 3 nafar shaxsga nisbatan jinoiy ish qo‘zg‘atilgan bo‘lib, o‘yin ishtirokchilari esa ma’muriy javobgarlikka tortilgan.

Ma’lumot uchun, qimor va tavakkalchilikka asoslangan boshqa o‘yinlarni qonunga xilof ravishda tashkil etish yoki o‘tkazish taqiqlanadi. Mazkur jinoyatni sodir etganlik uchun Jinoyat kodeksining 278-moddasiga (qimor va tavakkalchilikka asoslangan boshqa o‘yinlarni tashkil etish hamda o‘tkazish) ko‘ra, 7 yilgacha ozodlikdan mahrum etish tayinlanishi mumkin.

Bunday o‘yinlarda ishtirok etganlar esa Ma’muriy javobgarlik kodeksining 191-moddasiga (maishiy shovqinga qarshi kurash talablarini buzish) ko‘ra, BHMning 15 barobarigacha jarimaga tortilishi belgilangan.

Bundan avval Toshkentda 13 nafar qimorbozning har biri besh sutkaga qamalgani, yashash uyida qimorxona tashkil etgan samarqandlik erkakka nisbatan jinoyat ishi qo‘zg‘atilgani hamda Buxorodagi xonadonda xo‘roz urishtirish o‘yinlari o‘tkazayotgan 40 nafar shaxs aniqlangani haqida xabar berilgandi.

Izoh
Asosiy yangiliklar
Sport
Iskandarov — eng yaxshi futbolchi, Kapadze — eng yaxshi murabbiy. O‘zbek futbolida 2022-yilning eng yaxshilari aniqlangan marosimdan fotoreportaj
Madaniyat
Farzandidan ayrilgan, 3 soat uxlagan, hojatxonada farroshlik qilgan: muvaffaqiyatga erishish yo‘lida turli qiyinchiliklardan o‘tgan yulduzlar (foto)
Mahalliy
“Sirdaryoda bir so‘m ham o‘g‘irlanmaydigan, korrupsiyasiz tizim yaratilishi kerak” — Sardor Umurzoqov