Bugun,

  • USD 11095.31
  • RUB 173.84
  • EUR 10772.44

Buxoro viloyati Kogon tumanidagi xonadonda xo‘roz urishtirish o‘yinlarida qatnashayotgan 40 nafar shaxs aniqlandi, deya xabar qilindi Zo‘r TV telekanalining “Bu kun” dasturida.

Ta’kidlanishicha, 2021-yilning 16-yanvar kuni Kogon tumanida oldindan olingan ma’lumotlarga asosan Buxoro viloyati IIB, Jinoyat qidiruv boshqarmasi, Kogon tuman IIB hamda DXX Buxoro viloyati filiali hamkorlikdagi tezkor tadbir o‘tkazilgan.

Shu kuni, taxminan, soat 20:30 larda 1982-yilda tug‘ilgan Kogon tumani “O‘zbekiston” mahallasida yashovchi fuqaro o‘zi yashayotgan qurilishi tugallanmagan 2 qavatli xonadonning 1-qavatidagi xonada Kogon va Buxoro tumanlarida yashovchi 40 nafardan ortiq fuqaroni jamlagan holda qimor va tavakkalchilikka asoslangan boshqa o‘yinlarni tashkil etish yoki o‘tkazish maqsadida xo‘rozlar jangini o‘tkazayotgani aniqlandi.

Mazkur holat yuzasidan olib berilgan tezkor surishtiruv harakatlari davomida 6 dona xo‘roz hamda xonadon egasidan 470 ming so‘m naqd pullar tegishli tartibda rasmiylashtirib olindi.

Ma’muriy javobgarlik to‘g‘risidagi kodeksining 191-moddasiga (qimor va tavakkalchilikka asoslangan boshqa o‘yinlarda qonunga xilof ravishda ishtirok etish) muvofiq qimor va tavakkalchilikka asoslangan boshqa o‘yinlarni tashkil etgan va unda qatnashgan shaxslarga nisbatan Kogon tuman IIB tomonidan tergovga qadar tekshiruv harakatlari olib borilmoqda.

Avvalroq yashash uyida qimorxona tashkil etgan samarqandlik erkakka nisbatan jinoyat ishi qo‘zg‘atilgani, Farg‘onada noqonuniy xo‘roz o‘yinini tashkil qilgan shaxsga nisbatan jinoyat ishi ochilgani hamda Samarqandda pul tikib, xo‘roz urishtiriladigan yashirin arena faoliyatiga chek qo‘yilgani haqida xabar berilgandi.

Izoh
Asosiy yangiliklar
Mahalliy
Bir necha kundan buyon hukm surayotgan qorli ob-havoda o‘zbekistonliklar yasagan qorbobolar — suratlarda
Sport
Matbuot anjumani vaqtida mushukni uloqtirib yuborgan Braziliya terma jamoasi rasmiysi tanqidlarga uchradi (video)
Dunyo
Lukashenko “kuchsiz Mercedes” tufayli YOII sammitiga piyoda keldi (video)