Qo‘qon shahrida Milliy gvardiya, IIO FMB va DXX mas’ul xodimlari hamkorligida o‘tkazilgan tezkor tadbirda o‘zi bilan ishqiy munosabatda bo‘lgan holati tushirilgan video tasvirlarni tarqatmaslik evaziga fuqarodan pul talab qilgan ayol qo‘lga olindi. Bu haqda Milliy gvardiya matbuot xizmati xabar berdi.
Ma’lum qilinishicha, 22-fevral kuni Farg‘ona viloyati IIBga kelib tushgan murojaatda Qo‘qon shahrida yashovchi fuqaro T.M.dan Xo‘qandiy mavzesida yashovchi Barno ismli ayol o‘zi bilan birga jinsiy aloqa qilgan holati tushirilgan video tasvirlar borligini aytib, pul talab qilgani keltirilgan. Ayol erkakdan ushbu videolarni o‘chirib tashlash uchun 2 ming dollar talab qilgan. Agarda erkak pullarni bermasa, videotasvirlarni tarqatib, yaqinlariga ko‘rsatish orqali sharmanda qilishini aytib, qo‘rqitib kelgan.
Hamkorlikda o‘tkazilgan tezkor tadbir davomida Xo‘qandiy mavzesidagi ko‘p qavatli uylarning biri oldida o‘zaro kelishilgandek Barno ismli ayol va uning voyaga yetmagan jiyani Sh.R.lar birgalikda tovlamachilik yo‘li bilan fuqaro M.T.dan 2 ming dollarni olgan vaqtida daliliy ashyolar bilan qo‘lga olingan.
Qo‘qon shahar IIB xodimlari tomonida olib borilgan dastlabki o‘rganishlar davomida Barno ismli ayol Qo‘qon shahrida yashovchi 1996-yilda tug‘ilgan fuqaro Q.O. ekanligi ma’lum bo‘lgan. Hozirda holat yuzasidan surishtiruv ishlari davom etmoqda.
Avvalroq Samarqandda xorijlik fuqarodan shaxsiy rasm va videolarini internetda tarqatmaslik evaziga 20 ming dollar talab qilgan ayol qo‘lga olingani to‘g‘risida xabar berilgandi.
Izoh (0)