Bizning Uylar Development kompaniyasi Olmazor Business City, keng ko‘lamli turar joy majmuasi xususiyatlari bilan tanishtirishda davom etadi. Bugun majmuaning o‘ziga xos ko‘rki bo‘lmish, 30 qavatli osmono‘par bino haqida ma’lumot beramiz.
Olmazor Business City turar joy majmuasi poytaxtning shu nomli tumanida, 23 gektar maydonda joylashgan. Kanal qirg‘og‘i bo‘ylab joylashgan majmuada mikroiqlim yaratilib, bu yerda yashaydigan aholiga tabiiy muhit o‘zgacha hissiyot tuhfa etadi. Olmazor Business City hududining 80 foizdan ortig‘i obodonlashtirilgan maydon bo‘lib, sayr xiyobonlari va sun’iy suv havzalari uchun ajratilgan.
Majmuada ko‘p qavatli bir necha turar joy binolari bunyod etiladi. Uy-joylar turli balandlik va qavatga ega ekanligi bilan ham farqlanadi. Uyni tanlayotganda siz standart to‘qqiz qavatli binolarni yoki o‘ziga xos bo‘lgan o‘ttiz qavatli osmono‘par binoni tanlashingiz mumkin. Majmuaning boshqa ko‘p qavatli binolari bilan umumiy me’moriy yechimda bunyod etilgan bu bino boshqalaridan uch baravar kattaroq va mahobatli o‘lchamlari bilan e’tiborni tortadi.
Bunday baland qavatli inshootni barpo etishda uning seysmik bardoshliligiga alohida e’tibor beriladi. Majmuadagi uy-joy binolari ishonchli va mustahkamlilikni ta’minlaydigan, ilg‘or qurilish texnologiyalaridan foydalangan holda bunyod etilmoqda. Barcha turar joy binolarining zilzilabardoshliligi 9 ballni tashkil etadi.
30 qavatli turar joy binosida 1, 2, 3, 4 va 5 xonali xonadonlar mavjud. Xadonlarning umumiy soni 220 ta bo‘lib, ularning maydoni 42 dan 169 kvadrat metrgachani, shift balandligi esa 2,93 metrni tashkil etadi. Binodagi har bir xonadonda balkon mavjud va barcha xonadonlar tayyor ta’mirlangan holda sotuvga chiqariladi.
Betakror balandlik va panorama oynalar tufayli ushbu 30 qavatli turar joy binosi aholisi kunning yoki faslning istalgan vaqtida, poytaxtning go‘zal manzaralarini tomosha qilish imkoniyatiga ega bo‘ladi. Ekstremal balandlik va kenglikni xush ko‘ruvchilarni o‘zgacha syurpriz kutmoqda. 29 va 30-qavatlarda sakkizta, ikki qavatli panorama terrasaga ega pentxauslar mavjud. Mazkur xonadonlarning maydoni 113 dan 125 kvadrat metrgachani tashkil etadi.
Siz zamonaviy turar joy majmuasidan xonadon xarid qilib, har kuni farovon hayotning barcha afzalliklaridan bahramand bo‘lishingiz mumkin. Xaridorlarga xonadonni uzoq yillik, 20 yil muddatgacha cho‘zilgan kreditga olish taklif etiladi. Xonadon uchun 100 foiz to‘lovni amalga oshirgan xaridorlarga maxsus chegirmalar taqdim etiladi.
Manzil: Olmazor tumani, Kichik halqa yo‘li ko‘chasi, 5-A uy (mo‘ljal: Shimoliy Olmazor chorrahasi)
Sotuv ofisi har kuni, dam olish kunlarisiz soat 09:00 dan 19:00 gacha ishlaydi.
Batafsil ma’lumotlarni quyidagi telefon raqamidan olishingiz mumkin: (+998 71) 210 44 44
Instagram: bizninguylar
Facebook: facebook.com/bizninguylar
Telegram: t.me/bizninguylar
Sayt: bizninguylar.uz
Reklama huquqi asosida.
Izoh (0)