Isroil bosh vaziri Binyamin Netanyaxu Quddus okrug sudida bo‘lib o‘tgan sud majlisida korrupsiya ishi bo‘yicha aybini tan olishdan bosh tortdi, deb xabar berdi Daily Sabah.
Ma’lum qilinishicha, Binyamin Netanyaxu o‘ziga nisbatan qo‘zg‘atilgan lavozimni suiiste’mol qilish va korrupsiya ayblovlarini tan olmadi, shundan so‘ng u himoyachidan eslatma oldi va sud zalidan chiqib ketdi.
Qayd etilishicha, sud binosiga bosh vazirning o‘nlab tarafdorlari yetib kelgan.
Amaldagi bosh vazir “4000 ishi” bo‘yicha pora olganlikda gumon qilinmoqda, unga ko‘ra mashhur Isroil yangiliklar portalida siyosat to‘g‘risida faqat ijobiy sharhlar paydo bo‘lishi kerak edi va u o‘z navbatida Bezeq kompaniyasining manfaatlarini ilgari surishi kerak edi.
Shuningdek, Netanyaxu firibgarlikda va jamoatchilik ishonchini suiiste’mol qilishda ayblangan. U Gollivud prodyuseri Arnon Milchindan 300 ming dollar miqdorida qimmatbaho sovg‘alar olganlikda gumon qilinmoqda. Tergovda aniqlanishicha, sovg‘alar evaziga Netanyaxu oligarxning shaxsiy va ishbilarmonlik manfaatlarini himoya qilishi kerak bo‘lgan.
Bundan avval Isroil koronavirusning yangi shtammlari tufayli bir haftaga xalqaro aviaqatnovlarni to‘xtatgani, Isroilda parlament tarqatib yuborilib, muddatidan oldingi saylovlar e’lon qilingani haqida xabar berilgandi.
Izoh (0)