Qarshi shahrida Janubiy Koreyaga ishlashga jo‘natishni va’da qilib, fuqarolardan jami 9500 AQSh dollari olgan shaxs qo‘lga olindi, deya xabar bermoqda Tergov departamenti.
Ta’kidlanishicha, 2017-yilning sentabr oyidan 2018-yilning aprel oyigacha bo‘lgan vaqt oralig‘ida fuqaro 54 yoshli Asqar Y. o‘zganing mulkini firibgarlik yo‘li bilan qo‘lga kiritish maqsadida Qarshi shahar Eski bozor savdo majmuasida tanishlari Shohrux D. va Farruh K.larga Janubiy Koreya davlatiga ishga jo‘natishini aytib ularning ishonchiga kirgan.
Shundan so‘ng jami 9 500 AQSh dollarni aldov yo‘li bilan olib, bergan va’dasini bajarmasdan, turli bahonalar qilib, olgan pullarni o‘z ehtiyoji yo‘lida sarflab yuborgan.
Mazkur holat yuzasidan Qarshi shahar IIO FMB huzuridagi Tergov bo‘limi tomonidan fuqaro Asqar Y.ga nisbatan Jinoyat kodeksining 168-moddasi 3-qismi “b” bandi (firibgarlik) bilan jinoyat ishi qo‘zg‘atilgan.
Hozirda tergov harakatlari olib borilmoqda.
Avvalroq Toshkentda 14 nafar fuqaroni Ukrainada aldab ishlatib, 17,5 ming dollar ish haqini bermay kelgan shaxslar qo‘lga olingani, Buxoroda Telegram’dagi guruhga obunachi qo‘shganlarga mukofot va’da qilib, so‘ngra ularni chuv tushirgan shaxs qo‘lga olingani hamda Toshkentda Prezident sovg‘a qilgan xonadonga 10 ming dollar evaziga kadastr hujjati rasmiylashtirib berishni va’da qilgan shaxslar ushlangani haqida xabar berilgandi.
Izoh (0)