Buxoro markaziy bozori ma’muriyati 6-fevral kuni Bukhara News internet-nashri xodimlari ishiga to‘sqinlik qilgani haqida xabar berildi.
Ta’kidlanishicha, bozor vakillari xodimlarga u yerda sotsiologik so‘rov o‘tkazishni taqiqlab, jurnalistdan mikrofon va telefonni olib qo‘ygan. Nashr tomonidan tarqatilgan videolavhada tasvirlangan shaxs jurnalist va operator bilan tortishib, ruxsatnoma talab qilgan, o‘zi esa shaxsini tasdiqlashdan bosh tortgan.
Xabar e’lon qilingandan so‘ng sodir bo‘lgan voqeaga Axborot va ommaviy kommunikatsiyalar agentligi munosabat bildirdi.
“AOKA o‘z vakolatlari doirasida ushbu holatni o‘rganib chiqdi va tomonlarning harakatlariga huquqiy baho berish uchun Ichki ishlar vazirligi, Bosh prokuratura va Buxoro viloyat hokimligiga murojaat qildi”, deyiladi agentlik bayonotida.
“Gazeta.uz”ning xabar berishicha, bozor ma’muriyati ham voqeani ko‘rib chiqayotganini va natijalari to‘g‘risida xabar berishini aytgan.
Mavzuga doir:
- “Bu Prezidentning ochiqlik siyosatiga qarshi surxondaryolik amaldorlarning isyoni”. Rasul Kusherbayev Surxondaryoda qo‘lga olingan bloger haqida
- “Boshingizga bir urib, mana senga xat, jim o‘tir, deydigan davrlar o‘tdi” — Allamjonov AOKA va OAV bahsi haqida
- AOKA mahalliy OAVga yuborilayotgan ogohlantirish xatlari bo‘yicha rasmiy bayonot berdi
Izoh (0)