Iskandariya yaqinida joylashgan qadimiy Taposiris Magna shahridagi 16 ta mozorlarning birida noodatiy tilga ega, 2 ming yillik mumiyo topildi. Bu yerda qadimgi Misr xudolari Osiris va Isidaga bag‘ishlab bunyod etilgan ko‘plab ibodatxonalar joylashgan, deb xabar beradi Hi-Tech.Mail.ru.
Qadimgi Misrda inson o‘lganidan so‘ng, narigi dunyoda xudolar oldida paydo bo‘lib, ular bilan o‘zining ruhi haqida gaplashishi kerak deb hisoblangan. Gaplashish uchun til kerak, agar baxtsiz hodisa yoki tug‘ma nuqson sabab tilga shikast yetgan bo‘lsa, mumiyolovchilar uning o‘rniga boshqa tilni qo‘ygan. Ehtimol, topilgan mumiyo shu kabi baxtsiz hodisalargan biriga uchragan bo‘lishi mumkin.
Olimlar hozircha til uchun material sifatida nima sababdan tilla tanlanganini aniqlagani yo‘q. Ushbu qoldiqlar badavlat insonga tegishli bo‘lishi mumkin — hozirda mumiyoni o‘rganish ishlari davom etmoqda.
Mutaxassislar tomonidan “tilla tilli mumiyo” deya ta’riflangan topilmadan tashqari, yuziga o‘lim niqobi va haykal bo‘laklari bor ayol qoldiqlari topilgan. Mutaxassislarning ta’kidlashicha, topilmalar yaxshi holatda saqlangan.
Izoh (0)