Искандария яқинида жойлашган қадимий Тапосирис Магна шаҳридаги 16 та мозорларнинг бирида ноодатий тилга эга, 2 минг йиллик мумиё топилди. Бу ерда қадимги Миср худолари Осирис ва Исидага бағишлаб бунёд этилган кўплаб ибодатхоналар жойлашган, деб хабар беради Hi-Tech.Mail.ru.
Қадимги Мисрда инсон ўлганидан сўнг, нариги дунёда худолар олдида пайдо бўлиб, улар билан ўзининг руҳи ҳақида гаплашиши керак деб ҳисобланган. Гаплашиш учун тил керак, агар бахтсиз ҳодиса ёки туғма нуқсон сабаб тилга шикаст етган бўлса, мумиёловчилар унинг ўрнига бошқа тилни қўйган. Эҳтимол, топилган мумиё шу каби бахтсиз ҳодисаларган бирига учраган бўлиши мумкин.
Олимлар ҳозирча тил учун материал сифатида нима сабабдан тилла танланганини аниқлагани йўқ. Ушбу қолдиқлар бадавлат инсонга тегишли бўлиши мумкин — ҳозирда мумиёни ўрганиш ишлари давом этмоқда.
Мутахассислар томонидан «тилла тилли мумиё» дея таърифланган топилмадан ташқари, юзига ўлим ниқоби ва ҳайкал бўлаклари бор аёл қолдиқлари топилган. Мутахассисларнинг таъкидлашича, топилмалар яхши ҳолатда сақланган.
Изоҳ (0)