Rossiya hududiga chet elliklarning kirishi uchun qo‘yilgan taqiqlarning asosiy sabablari mamlakat hududida bo‘lish muddatlarining buzilishi va noqonuniy mehnat faoliyati bo‘lmoqda. Bu haqda Rossiya Ichki ishlar vazirligi matbuot markazi ma’lum qildi, deb yozadi “TASS”.
“Xorij fuqarolarining Rossiyaga kirishiga ruxsat bermaslik haqidagi qaror qabul qilinishiga mamlakatda vaqtinchalik bo‘lish muddatlariga rioya qilinmasligi, shuningdek, bizning davlatda mehnat faoliyatini noqonuniy amalga oshirish asosiy sabablar hisoblanadi”, — deyiladi xabarda.
Ta’kidlanishicha, Rossiyaga kirishga ruxsat bermaslik haqidagi qarorlarning aksariyati Rossiyaga vizasiz tartibda kirayotgan yaqin xorij fuqarolariga nisbatan qabul qilinmoqda.
IIV ma’lumotlariga ko‘ra, o‘tgan yili jami 189 ming kishining Rossiyaga kirishiga taqiq qo‘yilgan, bir yil avval esa bu raqam 250 ming kishidan oshgan edi.
Xabar berilishicha, Rossiyada mehnat patentlari bo‘yicha ishlayotgan chet elliklar 2020-yilning 11 oyi davomida bu yerdagi hududlar budjetlariga 43,5 milliard rubl (573 million dollardan ziyod) ko‘chirib o‘tkazgan.
Mavzuga doir:
- “Nolegal o‘zbekistonliklarni legallashtirish borasida Rossiya tomoni bilan muzokaralar olib borilmoqda” — Mehnat vaziri o‘rinbosari
- “O‘qimaganimda edi, hayot shu ekan deb yuraverardim”. 9 yildan beri Rossiyada ishlayotgan o‘zbekistonlik muhojir hikoyasi
- Rostovdan 837 nafar, Yekaterinburgdan 800 ga yaqin vatandosh poyezdda O‘zbekistonga olib ketildi
Izoh (0)