Россия ҳудудига чет элликларнинг кириши учун қўйилган тақиқларнинг асосий сабаблари мамлакат ҳудудида бўлиш муддатларининг бузилиши ва ноқонуний меҳнат фаолияти бўлмоқда. Бу ҳақда Россия Ички ишлар вазирлиги матбуот маркази маълум қилди, деб ёзади «ТАСС».
«Хориж фуқароларининг Россияга киришига рухсат бермаслик ҳақидаги қарор қабул қилинишига мамлакатда вақтинчалик бўлиш муддатларига риоя қилинмаслиги, шунингдек, бизнинг давлатда меҳнат фаолиятини ноқонуний амалга ошириш асосий сабаблар ҳисобланади», — дейилади хабарда.
Таъкидланишича, Россияга киришга рухсат бермаслик ҳақидаги қарорларнинг аксарияти Россияга визасиз тартибда кираётган яқин хориж фуқароларига нисбатан қабул қилинмоқда.
ИИВ маълумотларига кўра, ўтган йили жами 189 минг кишининг Россияга киришига тақиқ қўйилган, бир йил аввал эса бу рақам 250 минг кишидан ошган эди.
Хабар берилишича, Россияда меҳнат патентлари бўйича ишлаётган чет элликлар 2020 йилнинг 11 ойи давомида бу ердаги ҳудудлар бюджетларига 43,5 миллиард рубль (573 миллион доллардан зиёд) кўчириб ўтказган.
Мавзуга доир:
- «Нолегал ўзбекистонликларни легаллаштириш борасида Россия томони билан музокаралар олиб борилмоқда» — Меҳнат вазири ўринбосари
- «Ўқимаганимда эди, ҳаёт шу экан деб юраверардим». 9 йилдан бери Россияда ишлаётган ўзбекистонлик муҳожир ҳикояси
- Ростовдан 837 нафар, Екатеринбургдан 800 га яқин ватандош поездда Ўзбекистонга олиб кетилди
Изоҳ (0)