Britaniyaning Digital Spy jurnali so‘rovnoma orqali yuz yillikning eng yaxshi seriali nomini aniqladi. Asrning eng asosiy teleshousi deya “Taxtlar o‘yini” fentezi-seriali tan olindi deb yozadi Daily Mail.

Foto: Kollaj

Reytingda ikkinchi o‘rin Netflix studiyasiga tegishli “Juda g‘alati ishlar” ilmiy-fantastik serialiga nasib ketgan. BBC kompaniyasining “Doktor Kim” ilmiy-fantastik seriali esa “bronza”ga munosib topilgan.

Shuningdek, asrning eng yaxshi seriallari o‘ntaligidan quyidagilar ham o‘rin olgan:

  • “Sherlok”;
  • “Tubanlashish” (Breaking Bad);
  • “Britaniyaning eng yaxshi novvoyi”;
  • “Evani o‘ldirib”;
  • “Gevin va Steysi”;
  • “Xizmat burchi”;
  • “Chernobil”.

“Taxtlar o‘yini” seriali Jorj Martinning “Muz va olov qo‘shig‘i” romanlar sikli asosida ishlangan. Serial 50 dan ortiq “Emmi” mukofotini qo‘lga kiritgan. Serialning 8-mavsumi so‘nggi qismini bir vaqtning o‘zida 19,3 million odam tomosha qilgan.

Shuningdek, “Taxtlar o‘yini”ning so‘nggi mavsumi 9 oy davomida dunyoning besh mamlakatida — Buyuk Britaniya, Irlandiya, Ispaniya, Xorvatiya va Islandiyadagi 150 ta maydonchada suratga olingan. Suratga olish jamoasi assistentlar bilan birga salkam 6 ming kishini tashkil etgan.