Futbol bo‘yicha Ispaniya La Ligasining 20-turida “Atletiko” 24-yanvar, yakshanba kuni “Valensiya”ni qabul qildi.
Uchrashuvning 11-daqiqasidayoq mehmonlar Urosh Rachichning goli evaziga oldinga o‘tib oldi. 23-daqiqada Joau Feliks muvozanatni tikladi.
Ikkinchi bo‘lim debyutida Luis Suares madridliklarning ikkinchi golini urgan bo‘lsa, 72-daqiqada Anxel Korrea yakuniy hisobni o‘rnatdi — 3:1.
Shu tariqa “Atletiko” ochkolarini 47 taga yetkazib olgan holda peshqadamlikni mustahkamladi. Diyego Simeone jamoasi eng yaqin ta’qibchi “Real”ni 7 ochkoga ortda qoldirmoqda va bundan tashqari bitta zaxira o‘yiniga ega.
La Liga
20-tur bahsi
24-yanvar, yakshanba
“Atletiko” — “Valensiya” 3:1
Gollar: 0:1 – 11 Rachich, 1:1 – 23 Joau Feliks, 2:1 – 54 Suares, 3:1 – 72 Korrea.“Atletiko”: Oblak, Savich, Ximenes, Ermoso, Koke, Vrsalko (Lodi, 46), Karrasko, Lyorente (Kondogbia, 75), Lemar (Torreyra, 85), Suares, Joau Feliks (Korrea, 62).
“Valensiya”: Domenek, Tyerri Korreyya, Diakabi (Gilyamon, 47), Gabriel Paulista, Gayya, Musa (Jeyson, 79), Soler, Rachich (Kuandredi, 80), Cherishev (Gedesh, 58), Maksi Gomes, Valyexo (Gameyro, 79).
Ogohlantirishlar: Vrsalko (30), Savich (76).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)