YouTube’dagi DipYourCar kanali muallifi avtomobilini xuddi yulduzlar nur sochib turgan tungi osmon kabi bo‘yashga qaror qildi. Buning uchun u yorug‘likni 99 foiz yutadigan qora bo‘yoq va yaltiroqlardan foydalangan.
Bloger ishining asosini afsonaviy Surrey NanoSystems bo‘yog‘i tashkil etgan — u uglerod nanonaychalardan iborat bo‘lib, yorug‘lik nurlari unda tom ma’noda yo‘qoladi va so‘rilib ketadi. Shu sababli ushbu bo‘yoq bilan bo‘yalgan obyektlar haqiqatda qora bo‘lib ko‘rinadi.
Mazkur bo‘yoqni istalgan inson buyurtma qilishi mumkin va hozirga qadar ko‘plab avtomobillar shu kabi qoplamaga ega, ammo bloger unga yaltiroqlarni ham qo‘shgan — natijada mashina millionlab yulduzlar nur sochayotgan tungi osmon kabi ko‘rinish olgan.
Eslatib o‘tamiz, 2018-yilning fevralida Janubiy Koreyaning Pxyonchxan shahrida arxitektor Asif Kxan tomonidan Vantablack materialidan yaratilgan “birinchi super qora inshoot” ochilgan edi.
Izoh (0)