Bundan bir necha yil avval ijtimoiy tarmoqlar qirolichasi maqomiga ega bo‘lgan Kim Kardashyan oradan vaqt o‘tib o‘rnini o‘zidan yosh yulduzlarga bo‘shatib berishiga to‘g‘ri kelgan.
Kim 2021-yilning yanvar oyida 200 million obunachiga ega bo‘ldi.
https://www.instagram.com/p/CJ_pS1YAO4R/
Ammo singlisi Kayli allaqachon ushbu natijaga erishib bo‘lgan.
https://www.instagram.com/p/CJO00gYnDMD/
Reper Kanye Uest bilan ajrashishi haqida gap-so‘zlar bolalaganidan keyin blogiga ko‘proq e’tibor qaratilgan Kim kuzatuvchilari soni 200 millionga yetgani munosabati bilan muxlislariga minnatdorchilik bildirgan.
https://www.instagram.com/p/CJuGt0JgCl0/
Sportchi Krishtianu Ronalduning obunachilari soni birinchilardan bo‘lib 200 millionga yetgan. Ayni vaqtda Instagram qiroli deb ataladigan Ronalduning sahifasida 255 million kuzatuvchi bor. Sportchining nafaqat Instagram blogi, balki ishtirokidagi har qanday loyiha omadli natija qayd etgan.
https://www.instagram.com/p/CIL3u1qFUZS/
Ayollar orasidan esa Ariana Grande birinchi bo‘lib 200 million obunachiga ega bo‘lgan. Xonanda blogida muxlislari bilan suhbatlashadi, konsert dasturlari haqida ma’lumot beradi hamda shaxsiy va karyerasiga oid suratlar bilan bo‘lishib boradi.
https://www.instagram.com/p/CIHAjiClwZF/
Dueyn Jonsonning kuzatuvchilari soni oshishiga esa uning sport trenirovkalari hamda jajji qizalog‘i bilan birgalikdagi surat va videolarni joylab borishi sabab bo‘lgan. Gollivudni zabt etgan va eng ko‘p haq to‘lanadigan “Skala” qizining istagiga binoan multfilmlardagi qo‘shiqlarni kuylab berishini kuzatish muxlislar uchun yoqimli hisoblanadi va shuning uchundir balki uni bugungi kunda 212 million kishi kuzatadi.
https://www.instagram.com/p/CDeWUvTDfcL/
Obunachilarining soni 200 millionni tashkil qilgan yulduzlar orasiga Selena Gomes qo‘shilganiga hali ko‘p bo‘lmagan. Shaxsiy hayoti haqida ovoza qilishni xush ko‘rmaydigan qo‘shiqchi Instagram sahifasiga o‘ziga xos videolar joylab boradi.
Izoh (0)