2020-yilning sentabr oyida Kim Kardashyan, 14 yildan buyon efirga uzatilib kelayotgan “Kardashyanlar oilasi” shousining yopilishini e’lon qilgan. So‘nggi fasli 2021-yilning yanvar oyida suratga olingan. Yaxshi-yomon kunlarda birga bo‘lgani sabab Kim onasi Kris bilan birga suratga olish jamoasining har bir a’zosiga Rolex soatini sovg‘a qilgan. Har birining narxi 10 ming dollar bo‘lgan soat uchun Kardashyanlar jami 300 ming dollar sarflagan.
Shou yopilishiga uning past reytinglarni qayd qila boshlagani sabab bo‘lgan. Qolaversa, oila bilan bog‘liq muammolar haqida muxlislar shou ekran yuzini ko‘rishidan avvalroq xabar topa boshlagan. Yangiliklardan hammasi haqida xabar topib keyin bir necha hafta o‘tgach shouning yangi sonini ko‘rishda esa mantiq yo‘q. Pandemiya vaqtidagi moliyaviy inqiroz ham so‘nggi qarorga kelishga sabab bo‘lgan.
https://www.instagram.com/p/B_7nQiHAMUQ/?utm_source=ig_embed
Bundan tashqari, Kim va Kanyening o‘rtasidagi munosabatlarning darz ketishi ham bu qarorga kelishida muhrim rol o‘ynagan. Eslatib o‘tamiz, Kanye saylovoldi jarayonlaridagi chiqishlarida Kim birinchi farzandiga homilador vaqtida abort qildirmoqchi bo‘lganini ma’lum qilgan. Keyinchalik, rafiqasi uni aqlini kirgizib qo‘yish uchun shifokorlar bilan bir xonaga qamab qo‘yganini, allaqachon Kim bilan ajrashmoqchi ekanini yozib qoldirgan.
Ularning ajrashishi haqidagi mish-mishlar 2021-yilning boshidan rost ekani ma’lum bo‘lgan. Kim ajrashishlar bo‘yicha mashhur advokat Laura Uesserni yollagan. Reperning Rojdestvo bayramini Vayomingdagi uyida yolg‘iz nishonlagani esa yulduzlarning ajrashishga qat’iy qaror qilganining belgisi.
Izoh (0)