Indoneziya prezidenti Joko Vidodo 13-yanvar kuni Xitoyning Sinovac biofarmatsevtika kompaniyasi ishlab chiqargan koronavirusga qarshi vaksinaning birinchi dozasini qabul qildi, deb xabar berdi Associated Press’ga tayanib “Interfaks”.
Undan tashqari, mamlakatda ommaviy vaksinatsiyani boshlash doirasida Mudofaa vazirligi, politsiya va sog‘liqni saqlash xizmatlarining yuqori martabali vakillari emlandi.
Indoneziya avvalroq Xitoyning COVID-19 vaksinasidan favqulodda foydalanishni ma’qullagan edi. U Xitoydan keyin ushbu preparatni keng qo‘llashga ruxsat bergan birinchi mamlakat bo‘ldi.
Indoneziya 6-dekabr kuni Sinovac vaksinasini birinchi partiyasini qabul qilib oldi va uni ommaviy ravishda ishlatilishi uchun regulyator tomonidan tasdiqlanguncha butun mamlakat bo‘ylab tarqatishni boshladi.
Indoneziyadagi pandemiya davrida COVID-19 kasalligi bilan bog‘liq 846 mingdan ortiq holat qayd etildi, 24 mingdan ortiq bemor vafot etdi.
Avvalroq qirolicha Yelizaveta II va uning eri Filipp, Slovakiya va Gretsiya prezidentlari, AQShning saylangan prezidenti Jo Bayden hamda Isroil bosh vaziri koronavirusga qarshi emlangani haqida xabar berilgandi.
Izoh (0)