O‘zbekistondagi bir qator issiqlik elektr stansiyalarida 5-yanvar kuni qisman elektr uzilishlari yuz berdi. Energetika vazirligi IESning favqulodda vaziyatlarni boshqarish uskunalari Markaziy Osiyo va Qozog‘istonni bog‘laydigan yagona energiya tizimining elektr uzatish liniyalarining rejadan tashqari o‘chirilishi sababli ishga tushirilgani haqida xabar berdi.
To‘raqo‘rg‘on IES (uning quvvati 750 dan 500 megavattgacha pasaygan), Taxiatosh IES (280 dan 150 megavattgacha), Navoiy IES (450 dan 230 megavattgacha), Toshkent IES (370 dan 180 megavattgacha) va Talimarjon IESning (umumiy quvvati 900 MVt) ikkita agregati avtomatik ravishda o‘chirildi. Elektr uzilishlari bir qator viloyatlarga ta’sir ko‘rsatdi.
Qozog‘iston
Qozog‘iston Elektr tarmoqlari boshqarma kompaniyasining (KEGOC) xabar berishicha, 5-yanvar kuni, taxminan, soat 17:41 da Markaziy Osiyoning yagona energiya tizimidan (800 MVt) elektr tokining kuchayishi (quvvatning to‘satdan ko‘payishi yoki quvvat tizimining uzilishi tufayli quvvatning keskin o‘sishi) natijasida (taxminan 800 MVt) Qozog‘istonning yagona energiya tizimining (UES) shimoliy-janubiy tranziti parallel ishlashining barqarorligi buzildi.
Shu sababli uskuna buzilishining oldini olish maqsadida shimoli-janubiy Qozog‘iston tranzitining 500 kilovattlik uchta havo liniyasi va 220kV bitta liniya avtomatik tarzda o‘chgan. Natijada Qozog‘istonning yagona energiya tizimi janubiy hududi va Markaziy Osiyoning umumiy energiya tizimi 48,31 Gs chastotasigacha pasaygan holda ishlashda davom etdi.
Tezkor ma’lumotlarga ko‘ra, Qozog‘istonning Olmaota, Jambil, Qizilo‘rda, Qarag‘anda va Turkiston viloyatlaridagi cheklovlar hajmi 959 megavattni tashkil etdi.
“Uzilish manbayi Talimarjon IESda ikkita 450 MVt quvvatli bug‘-gaz qurilmalaridagi uzilishlar, shuningdek, boshqa bir qator elektr stansiyalarda generatsiya hajmi pasayishi yuz bergan O‘zbekiston energiya tizimidir”, — deyiladi KEGOC bayonotida.
“Qirg‘iziston Milliy elektr tarmog‘i” xabarida aytilishicha, 5-yanvar kuni soat 17:43 da Markaziy Osiyoning yagona energiya tizimi Qozog‘iston shimolidagi yagona energiya tizimidan ajralib chiqqan.
“Energiya tizimidagi chastota avtomatik chastotani tushirish (AChT) ishga tushguncha kamaydi. Bunga O‘zbekiston energetika tizimining ortiqcha elektr energiyasi sabab bo‘lgan”, — deyiladi xabarda.
Soat 17:59 da EUL-530 Qozog‘iston energiya tizimidagi tranzit tarkibiga kiritildi, chastotalarni tartibga solish esa Qirg‘iziston energiya tizimidan olib tashlandi. Soat 18:15 da EUL-532 va EUL-539 tranzit tarkibiga kiritildi va AChTdan uzilgan iste’molchilarga elektr ta’minoti tiklandi, deb ta’kidlangan qo‘shni mamlakat energetika kompaniyasi xabarida.
Izoh (0)