Ўзбекистондаги бир қатор иссиқлик электр станцияларида 5 январь куни қисман электр узилишлари юз берди. Энергетика вазирлиги ИЭСнинг фавқулодда вазиятларни бошқариш ускуналари Марказий Осиё ва Қозоғистонни боғлайдиган ягона энергия тизимининг электр узатиш линияларининг режадан ташқари ўчирилиши сабабли ишга туширилгани ҳақида хабар берди.
Тўрақўрғон ИЭС (унинг қуввати 750 дан 500 мегаваттгача пасайган), Тахиатош ИЭС (280 дан 150 мегаваттгача), Навоий ИЭС (450 дан 230 мегаваттгача), Тошкент ИЭС (370 дан 180 мегаваттгача) ва Талимаржон ИЭСнинг (умумий қуввати 900 МВт) иккита агрегати автоматик равишда ўчирилди. Электр узилишлари бир қатор вилоятларга таъсир кўрсатди.
Қозоғистон
Қозоғистон Электр тармоқлари бошқарма компаниясининг (KEGOC) хабар беришича, 5 январь куни, тахминан, соат 17:41 да Марказий Осиёнинг ягона энергия тизимидан (800 МВт) электр токининг кучайиши (қувватнинг тўсатдан кўпайиши ёки қувват тизимининг узилиши туфайли қувватнинг кескин ўсиши) натижасида (тахминан 800 МВт) Қозоғистоннинг ягона энергия тизимининг (УЭС) шимолий-жанубий транзити параллел ишлашининг барқарорлиги бузилди.
Шу сабабли ускуна бузилишининг олдини олиш мақсадида шимоли-жанубий Қозоғистон транзитининг 500 киловаттлик учта ҳаво линияси ва 220кВ битта линия автоматик тарзда ўчган. Натижада Қозоғистоннинг ягона энергия тизими жанубий ҳудуди ва Марказий Осиёнинг умумий энергия тизими 48,31 Гц частотасигача пасайган ҳолда ишлашда давом этди.
Тезкор маълумотларга кўра, Қозоғистоннинг Олмаота, Жамбил, Қизилўрда, Қарағанда ва Туркистон вилоятларидаги чекловлар ҳажми 959 мегаваттни ташкил этди.
«Узилиш манбайи Талимаржон ИЭСда иккита 450 МВт қувватли буғ-газ қурилмаларидаги узилишлар, шунингдек, бошқа бир қатор электр станцияларда генерация ҳажми пасайиши юз берган Ўзбекистон энергия тизимидир», — дейилади KEGOC баёнотида.
«Қирғизистон Миллий электр тармоғи» хабарида айтилишича, 5 январь куни соат 17:43 да Марказий Осиёнинг ягона энергия тизими Қозоғистон шимолидаги ягона энергия тизимидан ажралиб чиққан.
«Энергия тизимидаги частота автоматик частотани тушириш (АЧТ) ишга тушгунча камайди. Бунга Ўзбекистон энергетика тизимининг ортиқча электр энергияси сабаб бўлган», — дейилади хабарда.
Соат 17:59 да ЭУЛ-530 Қозоғистон энергия тизимидаги транзит таркибига киритилди, частоталарни тартибга солиш эса Қирғизистон энергия тизимидан олиб ташланди. Соат 18:15 да ЭУЛ-532 ва ЭУЛ-539 транзит таркибига киритилди ва АЧТдан узилган истеъмолчиларга электр таъминоти тикланди, деб таъкидланган қўшни мамлакат энергетика компанияси хабарида.
Изоҳ (0)