Bugun,

  • USD 11095.31
  • RUB 173.84
  • EUR 10772.44

Ijtimoiy tarmoqda 2020-yilning 4-yanvar kuni “Haydovchi YPX xodimini mashina kapotida sudrab ketdi” sarlavhasi ostidagi videolavha tarqaldi. Voqea yuzasidan YHXBB ma’lumot berdi.

Foto: Ijtimoiy tarmoq

Foto: Ijtimoiy tarmoq

Ma’lum qilinishicha, 2020-yilning 4-yanvar kuni soat 10:15 larda Toshkent shahar Mirzo Ulug‘bek tumani Shahrisabz va O‘zbekiston ovozi ko‘chalari kesishgan chorrahada, Toshkent shahar IIBB YHXB YPX xodimi Y.Qosimxo‘jayev Nexia rusumli, 01 O 412 JB davlat raqam belgili avtomobil haydovchisi yo‘l belgisiga amal qilmasdan ortga qayrilib olgan vaqtida to‘xtash ishorasini bergan.

Haydovchi YPX xodimining qonuniy talabini bajarmasdan harakatini davom ettirgan. Mirobod tumani, A.Temur va S.Azimov ko‘chalari kesishgan chorrahada qoidabuzar haydovchi uni to‘xtatishga uringan YPX xodimining ustiga avtomobilini boshqargan va xodim avtomobil kapoti ustida osilib qolgan holatda 10–20 metr masofaga harakatlangan.

Ko‘rilgan tezkor choralar natijasida transport vositasi to‘xtatilgan.

Haydovchi, 1993-yilda tug‘ilgan B.I.ga nisbatan Ma’muriy javobgarlik to‘g‘risidagi kodeksning 135- (yo‘l harakati qoidalarida nazarda tutilgan hujjatlari bo‘lmagan shaxslarning transport vositalarini boshqarishi) va 194-moddalari (ichki ishlar organlari xodimining qonuniy talablarini bajarmaslik) bilan bayonnoma tuzilib, avtomobil ushbu kodeksning 291-moddasi tartibida vaqtincha saqlash uchun jarima maydonchasiga joylashtirilgan.

Hozirda qo‘shimcha surishtiruv ishlari davom etmoqda.

Avvalroq Qatortolda kaltak yegan PPX xodimi fuqaroga qarshi o‘qotar qurol ishlatmoqchi bo‘lgani, Toshkentda metro relsiga o‘zini tashlagan mast ayol voqeasi yuzasidan IIV ma’lumot bergani hamda Toshkentda mast holda jamoat tartibini buzgan ichki ishlar organi xodimi lavozimidan ozod etilgani haqida xabar berilgandi.

Izoh
Asosiy yangiliklar
Dunyo
Isroil—Misr chegarasidagi otishma, qabrlarga qadalgan bayroqlar, Rally Muynak’da yonib ketgan avtomobil — hafta suratlari
Dunyo
Rajab Toyyib Erdo‘g‘on parlamentda qasamyod qilib, Turkiya prezidenti lavozimiga kirishdi
Dunyo
Prigojin Rossiya Mudofaa vazirligi “Vagner”chilarning Baxmutdan chiqish yo‘lini minalab tashlaganini aytdi