Niderlandiya terma jamoasi va “Liverpul”ning himoya qo‘rg‘oni Virjil van Deykning qanday hayot kechirishi haqida hikoya qilamiz.
Uylari
Dastlab, van Deyk Liverpul shahri yaqinidagi Cheshir grafligida joylashgan uyni ijaraga olgandi. E’tiborlisi, mazkur “Manchester Yunayted”ning amaldagi ustozi Ole-Gunnar Sulsherga tegishli. Niderlandiyalik shaxsiy hayoti va mulklarini ko‘z-ko‘z qilishni xushlamasligi sabab 4 million yevrolik ushbu uyning fotosuratlari deyarli yo‘q.
Shuningdek, van Deyk Liverpulning eng obro‘li tumanlaridan birida shaxsiy uyiga egalik qiladi. Mazkur uyning narxi 2,5 million yevroga baholangan. Unda 5 ta yotoqxona, oilaviy kinoteatr, sport zali va cho‘milish havzasi mavjud.
Mashinasi
Futbol muxlislari biladiki, charm to‘p ustalari odatda mashinalarga mukkasidan ketgan bo‘ladi. Biroq bugungi kunning eng yaxshi himoyachilaridan biri bo‘lgan van Deyk haqida bu gaplarni aytish juda mushkul, boisi uning garajida faqat bitta mashina bor — Mercedes-Benz AMG G63 (200 ming dollar). Aytishlaricha, Virjil ushbu avtomobilga alohida mehr qo‘ygan va uni har yili yangilab turadi.
Shaxsiy hayoti
“Liverpul” himoyachisini ham jamoa hujumchisi Muhammad Saloh kabi ayollar borasida ancha barqaror deyish mumkin. Van Deyk bolaligida ko‘ngil qo‘ygan Rike Noitgedagt ismli qizga uylangan. Rike kiyim-kechak savdosi bilan shug‘ullanadi. Biroq u aynan Virjil tufayli sevimli ishidan voz kechib, u bilan Angliyaga yo‘l olgan. 2014-yilda qiz farzandli bo‘lgan juftlik 2016-yilga kelib o‘z munosabatlarini rasmiylashtiradi.
Do‘stlari
Virjil kamtarin va kirishimli yigit bo‘lgani uchun borgan joylaridagi insonlar bilan tezda til topishib ketadi. Uning do‘stlari qatorida esa Jo Gomes, Jorjinyo Veynaldum va Alissonni keltirish mumkin. Ularning do‘stligi maydonga ham ko‘chib, jamoaning natijalariga ijobiy ta’sir o‘tkazgan.
Futboldan tashqari qizishlar
Van Deyk o‘yin va mashg‘ulotlardan bo‘sh bo‘lganida asosan oilasi bilan birga vaqt o‘tkazadi. Shuningdek, u intervyularidan birida film tomosha qilishni va London bo‘ylab sayohat qilishni yoqtirishini aytgandi.
Izoh (0)