Andijon viloyatida o‘n kishini hajga jo‘natish uchun 50 ming dollar olgan erkak ushlandi. Bu haqda viloyat IIB xabar berdi.
Ma’lum qilinishicha, viloyatda “Xavfsiz va sog‘lom yurt” keng qamrovli tezkor-profilaktik tadbiri o‘tkazilmoqda. Tadbir doirasida Andijon viloyati IIB tezkor qidiruv xizmati hamda boshqa huquqni muhofaza qiluvchi organlar bilan hamkorlikda o‘tkazilgan tezkor tadbir natijasida haj ziyoratiga yuborish evaziga 10 nafar fuqarodan 50 ming dollarni olayotgan shaxs qo‘lga olindi.
1966-yilda tug‘ilgan shaxs o‘zgalar mulkini aldash va suiiste’mol qilish maqsadida o‘n kishining har biridan besh ming dollardan olgan. Holat yuzasidan Jinoyat kodeksining 168-moddasi bilan jinoyat ishi qo‘zg‘atilib, hozirda tergov olib borilmoqda.
Haj va umra tadbirlarini tashkil etish
Haj ziyoratiga borish uchun ruxsatnoma olish talab etiladi. Har yili ajratilgan kvotalar asosida nomzodlar tasdiqlanadi. Tasdiqlangan nomzodlar safar hujjatlarini rasmiylashtiradi.
2024-yil iyulida O‘zbekistonda umra tadbirlarini tashkil etish va o‘tkazish litsenziyalanadigan faoliyatning alohida turi sifatida belgilangan. Litsenziyaga ega bo‘lmagan tadbirkorlik subyektlari tomonidan umra xizmatlarini ko‘rsatish taqiqlangan. Bunday huquqbuzarliklar uchun yuridik shaxslarga solinadigan jarimalar miqdorlari BHMning 200 baravari (75 million so‘m) etib belgilangan.
Bu borada firibgarliklar:
- Toshkentda to‘rt kishini 26 ming dollar evaziga hajga noqonuniy yubormoqchi bo‘lgan turfirma xodimlari ushlandi
- Toshkentda to‘rt kishini hajga jo‘natish uchun 23,6 ming dollar olgan shaxs ushlandi
- Toshkentda 4 kishini hajga jo‘natish uchun 27,2 ming dollar olayotgan turfirma xodimi ushlandi
- Namangan, Xorazm, Farg‘onada haj va umraga noqonuniy yubormoqchi bo‘lganlar ushlandi (video)
Izoh (0)