Futbol bo‘yicha Angliya Premyer Ligasining 15-turida “Liverpul” 27-dekabr, yakshanba kuni “Vest Bromvich”ni qabul qildi.
Uchrashuvni faol boshlagan maydon egalari 12-daqiqada Sadio Manening golidan keyin oldinga o‘tib oldi. Tanaffusga qadar ustunlik mersisaydliklar tomonida bo‘ldi, mehmonlar esa qarshi hujumga tayanib harakat qildi.
Ikkinchi bo‘limda “Vest Bromvich” jamoasi hisobni tenglashtirishga erishdi. O‘z imkoniyatlarini golga aylantira olmagan “qizillar” 82-daqiqada jazolandi. “Liverpul”ning so‘nggi daqiqalardagi bosimi samara bermadi.
“Liverpul” 32 ochko bilan peshqadamlikni saqlab turibdi va eng ta’qibchisi “Everton”ni 3 ochko ortda qoldirmoqda. “Vest Bromvich” esa 8 ochko bilan 19-pog‘onada bormoqda.
APL
15-tur bahslari
27-dekabr, yakshanba
“Liverpul” — “Vest Bromvich” 1:1
Gollar: 1:0 – 12 Mane, 1:1 – 82 Ajayi.“Liverpul”: Alisson, Aleksander-Arnold, Matip (Uilyams, 60), Robertson, Fabinyo, Veynaldum, Jons (Oksleyd-Chemberlen, 83), Saloh, Henderson, Mane, Firmino (Origi, 90).
“Vest Bromvich”: Jonston, Ajayi, Ferlong, O’Shi, Gibbs, Soyers, Diangana, Fillips, Gallaher (Ivanovich, 90), Robinson (Mateus Pereyra, 73), Grant (Ostin, 78).
Ogohlantirishlar: O’Shi (56).
“Lids” — “Byornli” 1:0
Gol: 1:0 – 5, penalti Bemford.“Vest Hem” — “Brayton” 2:2
Gollar: 0:1 – 44 Mope, 1:1 – 60 Jonson, 1:2 – 70 Dank, 2:2 – 82 Souchek.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)