Ўзбекистонда 2020 йилнинг 11 ойи давомида 18 миллион 872 минг доллар қийматидаги 68 397 тоннадан ортиқ шиша ва шиша маҳсулотлари экспорт қилди, деб хабар бермоқда Давлат божхона қўмитаси матбуот хизмати.
Қайд этилишича, бу 2019 йилнинг айнан шу даврига нисбатан 48 198 тоннага кўп бўлиб, 239 фоиз ўсишга эришилди. Экспорт қилинган шиша ва шиша маҳсулотлари натижасида республикага валюта тушуми ўтган йилнинг мос даврига нисбатан 11 миллион долларга кўпайиб, 140 фоизга ўсган.
Шиша ва шиша маҳсулотларининг 58 фоизи Қозоғистонга, 15 фоизи Тожикистонга ва 13 фоизи Туркманистонга экспорт қилинган.
Шунингдек, жорий йилда шиша ва шиша маҳсулотларининг экспорти қиймати Россияга 12 баробарга, Арманистонга 9,8 баробарга, Грузияга 7,1 баробарга ва Озарбайжонга 2,3 баробарга ортган.
2020 йилдан илк бор Ирландия ва АҚШга шиша ва шиша маҳсулотлари экспорти йўлга қўйилди.
Изоҳ (0)