Uzbekistan Airways aviakompaniyasi 2020-yil 28-dekabr va 2021-yil 7-yanvar kunlari Frankfurtga amalga oshirishi kerak bo‘lgan parvozlarini bekor qildi. Bu haqda aviakompaniya matbuot xizmati xabar berdi.
Ma’lum qilinishicha, bu Respublika komissiyasining koronavirusga qarshi kurash bo‘yicha maxsus qaroriga binoan, koronavirus infeksiyasi yangi shtammining aniqlanganini inobatga olgan holda amalga oshirilmoqda.
Ta’kidlanishicha, so‘nggi 14 kun davomida Buyuk Britaniya, Italiya, Germaniya, Daniya, Avstriya, Avstraliya, Niderlandiya mamlakatlari va Janubiy Afrika Respublikasida bo‘lgan hamda uchinchi davlatlar orqali O‘zbekistonga kirib kelayotgan O‘zbekiston fuqarolari va fuqaroligi bo‘lmagan shaxslar 14 kun davomida o‘z hisobidan tegishli mehmonxonada karantinga olinadi.
Aviakompaniya yuzaga kelgan noqulayliklar uchun uzr so‘ragan va batafsil ma’lumotni +998 (78) 140-02-00 telefon raqami orqali yagona aloqa markazidan olish mumkinligini eslatgan.
Avvalroq O‘zbekiston COVID-19’ning yangi varianti aniqlangan Buyuk Britaniya va yana yetti davlat bilan aviareyslarni to‘xtatgan edi.
Izoh (0)