Mobiuz kompaniyasi rahbariyati abonentlar va aholining savollariga javob beradi

“Yuzma-100” loyihasi doirasida Mobiuz’ga doir 100 ta eng dolzarb savolga javob beriladi.

Mobiuz mobil aloqa operatori doimo ochiq va oshkora faoliyat olib borishga, abonentlar va aholi bilan doimiy muloqot qilishga intiladi. Har kuni mobil aloqaning turli xil masalalari bo‘yicha kompaniyaga murojaat qilgan minglab odamlar samarali maslahat va yordam oladi.

Bundan tashqari, korporativ veb-sayt, barcha yirik ijtimoiy tarmoqlar, O‘zbekistonda mashhur bo‘lgan Telegram kanallari, elektron ommaviy axborot vositalari, kompaniya faoliyati to‘g‘risida eng dolzarb ma‘lumotlar jamoatchilikka yetkaziladi.

“Yuzma-100” – bu Mobiuz’ning eksklyuziv loyihasi bo‘lib, u abonentlar va barcha manfaatdor yurtdoshlarimizga o‘zlarini qiziqtirgan savollarni berishlariga imkon beradi. Savollar Mobiuz mahsulot va xizmatlari, faoliyati va rivojlanish rejalari hamda mobil aloqaning boshqa barcha jihatlari bilan bog‘liq bo‘lishi mumkin.

Mobiuz’ga savol va takliflar 25-dekabr yakunigacha quyidagi havola orqali qabul qilinadi: https://onlinetestpad.com/s/mobiuz-yuzma100. Foydalanuvchi o‘zi haqidagi ma‘lumotlarni ko‘rsatishi, mavzuni tanlashi hamda o‘z savoli yoki murojaati mohiyatini bayon qilishi kerak.

Eng dolzarb, ko‘p beriladigan va qiziqarli savollar tanlab olinib, Mobiuz rahbariyati hamda bo‘linmalar boshliqalari ularga javob beradi. Batafsil javoblar yil yakunigacha www.mobi.uz veb-saytida e‘lon qilinadi.

Operator yangiliklaridan xabardor bo‘lish uchun Mobiuz’ning Facebook’dagi sahifasiga obuna bo‘ling.

Reklama huquqi asosida.