Rossiyada Il-114-300 samolyoti birinchi sinov parvozini amalga oshirdi. Bunday laynerlar o‘z vaqtida O‘zbekistonda ishlab chiqarilgan

Yangi mintaqalararo “Il-114-300” fuqarolik turbovintli samolyoti Jukov aerodromida o‘zining birinchi parvozini amalga oshirdi. Bu haqda “Rostexnologiya” davlat korporatsiyasiga tayanib Meduza xabar berdi.

Birinchi parvoz davomida havo kemasining barcha tizimlari sozligi, jumladan, Rossiyaning yangi “TB-7117ST-01” dvigateli, shuningdek, samolyotning barqarorligi va boshqaruvchanligi tekshirilgan.

“Yangi samolyot mamlakatimiz uchun muhim ahamiyatga ega: u aerodromlarning jihozlanish darajasini talab etmaydi. Shimol, Sibir, Uzoq Sharqning keskin havo haroratlariga bardoshli va salonining optimal sig‘imi sabab mintaqalararo qatnovlarni rivojlantirishda bazaviy mashinaga aylanishi mumkin”, — deydi “Rostex” bosh direktori Sergey Chemerzov.

Новый гражданский региональный турбовинтовой самолет Ил-114-300 совершил первый полет:https://t.co/KDOxkza0Un

Видео: пресс-служба ОАК/ТАСС pic.twitter.com/8nnZXJlpSS

— ТАСС (@tass_agency) December 16, 2020

Chemezovning so‘zlariga ko‘ra, 2022-yilga borib Birlashgan aviasozlik korporatsiyasi “Il-114-300”ning sertifikatsiya jarayonlarini yakunlashni, 2030-yildan esa ularni seriyali yetkazib berishni rejalashtirmoqda.

“Il-114-300” — SSSR davrida ishlab chiqarilgan mintaqalararo qatnovchi “Il-114” turbovintli samolyotining modernizatsiyaga uchragan versiyasi. SSSR tarqalgach “Il-114” samolyotlari Chkalov nomidagi Toshkent aviatsiya ishlab chiqarish birlashmasi (“TAPOiCh”)da kichik seriyada ishlab chiqarilgan va Uzbekistan Airways’ning ichki liniyalarida foydalanilgan.