Bugun,

  • USD 11095.31
  • RUB 173.84
  • EUR 10772.44

Bugungi kunda Rossiyada 6 millionga yaqin migrant bor, bu o‘tgan yillarga qaraganda sezilarli darajda kam demak. Bu haqda mamlakat Ichki ishlar vazirligiga tayanib, “RBK” xabar berdi.

Foto: “RIA Novosti”

Foto: “RIA Novosti”

“Rossiyaga har yili 9 dan 11 milliongacha xorijlik fuqarolar keladi. Joriy yilda ularning soni asta-sekin kamayib bormoqda va hozircha ularning soni taxminan 6 million kishini tashkil etadi”, — deyiladi xabarda.

IIV ma’lumotlarga ko‘ra, Rossiyadagi xorijliklarning asosiy qismini yirik shaharlar va iqtisodiy markazlardagi mehnat muhojirlari tashkil etadi. Ta’kidlanishicha, Rossiyada 1,3 million xorij fuqarosi patent asosida ishlamoqda, yana 85 ming kishida ishlashga ruxsatnoma bor. Shuningdek, bir million kishiga vaqtinchalik yashash yoki yashash ruxsatnomasi berilgan.

Avvalroq O‘zbekiston Bandlik va mehnat munosabatlari vazirligi Rossiyaning beshta shahrida rus tili, o‘z kasbi bo‘yicha malaka oshirish, yangi kasb o‘rganish yo‘nalishlar bo‘yicha 1 oylik (72 soatlik) va 2 oylik (144 soatlik) o‘quv kurslari tashkil etilishini ma’lum qilgandi. Shuningdek, Rossiyada o‘zbek migrantlari uchun kasb va til o‘rgatish to‘garaklari yo‘lga qo‘yilishi bildirilgan.

Eslatib o‘tamiz, dekabr boshlarida Rossiya Savdo-sanoat palatasi rahbari Sergey Katirin yuqori malakali mutaxassislarning Rossiyaga oilasi bilan birga kelishlari uchun ruxsat berilishini so‘ragan edi. Katirinning so‘zlariga ko‘ra, Savdo-sanoat palatasiga ishbilarmon doiralar vakillaridan xorijiy fuqarolarning pandemiya davrida mamlakatga kirib kelishini yengillashtirish bo‘yicha ko‘plab iltimoslar kelib tushmoqda.

Izoh
Asosiy yangiliklar
Dunyo
Ilon Mask Twitter’da Apple reklamalari tiklanganini e’lon qildi
Dunyo
O‘zbekistondan Afg‘onistonga elektr energiyasi yetkazib berish to‘xtatildi
Mahalliy
Toshkentdagi gaz zapravkalari vaqtinchalik yopilmoqda