Termometr xarid qilishda uning uchta turi − simobli, elektron va infraqizil kabilarni uchratish mumkin. Albatta, ular bir-biridan vazifaviyligiga ko‘ra farq qiladi.
Simobli termometr
Ko‘pgina mamlakatlarda simobli termometrlardan foydalanishga taqiq qo‘yilgan. Uning o‘rnini hozirda galliy, indiy va qalay moddalari egallagan. To‘g‘ri ularning narxi simoblilarga qaraganda ikki baravar qimmat. Ammo undan foydalanish inson uchun hech qanday xavf tug‘dirmaydi.
Simobli termometr ko‘pchilikka tanish bo‘lib, hamisha isitma kuzatilganda, qo‘ltiq ostida besh daqiqa ushlab turilib, shundan so‘ng harorat aniqlanadi. Ammo aslida haroratni simobli termometr yordamida o‘lchash unchalik oson emas.
Buning uchun quyidagi ketma-ketlik bajarilishi kerak:
- Simobli termometr maksimal haroratni ko‘rsatadi, shuning uchun uni 5 daqiqa emas, 10 daqiqa ushlab turish kerak.
- To‘g‘ri natijani olish uchun qo‘ltiq osti quruq va toza bo‘lishi shart. Shuningdek, teri yuzasida krem yoki dezodarant vositalari surilmagan bo‘lishi lozim.
- Termometrni ishlatishdan avval uni silkitilishi kerak. Shundan so‘ng uchi teriga mahkam bosiladi. Agar u qo‘ltiq sohasida erkin tursa va havo oqimi kirsa, termometrdagi ko‘rsatkich to‘g‘ri bo‘lmaydi.
- Bundan tashqari simobli termometrlar ko‘proq bolalar haroratini o‘lchashda foydalanilganligi uchun juda ham ehtiyot bo‘lish kerak.
Bolalar ushbu turdagi termometrni juda yaxshi ko‘radi, chunki harorat o‘lchanganidan so‘ng ovoz chiqaradi. Ushbu termometr xavfsiz bo‘lishiga qaramay, haroratni ko‘rsatishda xatolikka yo‘l qo‘yishi ham mumkin.
Agar elektron termometr ovoz chiqarganidan so‘ng darhol olib qo‘yilsa, ko‘rsatkichda xatolik yuzaga kelishi mumkin. Shuning uchun signaldan keyin 2-3 daqiqa davomida ushlab turish tavsiya etiladi. Ushbu termometr orqali og‘izdagi haroratni o‘lchashdan avval issiq, sovuq narsa iste’mol qilish mumkin emas. Bunday vaqtda xona haroratidagi oziq-ovqatlarni tanovul qilish mumkin.
Infraqizil termometr
Infraqizil termometrda ham xatoliklar bo‘lishi tabiiy. Ayniqsa, undan foydalanishdan avval uzatgich artilmagan bo‘lsa. Ushbu qurilmada xatolik eketron va simobli termometrga qaraganda nur uzoq masofani bosib o‘tganligi sababli yuzaga keldi. Shunga qaramay, infraqizil termometrning bir qancha afzalliklari ham mavjud:
- Bemor odam foydalanadi, ammo unga tegmaydi.
- Termometr xotirasi harorat o‘zgarishi dinamikasining ko‘rish imkonini beradi.
- Qurilma o‘zida 8-50 tagacha o‘lchovlarni saqlaydi.
- Ayrim modellarda o‘lchov yakunlanganini xabar qiluvchi signallar mavjud.
- Bu kabi termometrlar haroratga qarab rang bilan kodlanadi.
- Haroratni o‘lchash vaqtida bemorni bezovta qilmaslik uchun signal va nurni o‘chirib qo‘yish mumkin.
- Quvvatni tejash uchun qurilma avtomatik tarzda o‘chiriladi.
Izoh (0)