Fransiyaning France Football nashri futbol tarixidagi eng yaxshi darvozabon nomini ma’lum qildi.
Unga ko‘ra, “Dinamo Moskva” klubi va sobiq SSSR terma jamoasi darvozaboni Lev Yashin g‘olib deb topildi.
Ushbu sovrin uchun shuningdek, Gordon Benks (Angliya), Toma Nkono (Kamerun), Janluiji Buffon (Italiya), Peter Shmeyxel (Daniya), Iker Kasilyas (Ispaniya), Edvin van der Sar (Niderlandiya), Zepp Mayer (Germaniya), Manuel Noyer (Germaniya), Dino Zoff (Italiya) kabi darvozabonlar da’vogar edi.
G‘olib “Oltin to‘p” sovrini ovoz berish jarayonida ishtirok etadigan 140 nafar jurnalist o‘rtasidagi so‘rovnomaga ko‘ra aniqlandi.
Lev Yashin butun futbolchilik faoliyatini Moskvaning “Dinamo”sida o‘tkazgan. U 1963-yilda “Oltin to‘p” sovriniga ega chiqqan va ushbu natijaga erishgan tarixdagi yagona darvozabon hisoblanadi. Lev 1990-yilning marti 60 yoshida vafot etgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)