Futbol bo‘yicha Angliya Premyer Ligasining 12-turida “Manchester Yunayted” 12-dekabr, shanba kuni “Manchester Siti” bilan bahs yuritdi.
Uchrashuvning birinchi bo‘limi o‘rtacha tempda o‘tdi. To‘p nazorati “shaharliklar” tomonida bo‘lgan bo‘lsa, golga tortadigan vaziyatlar yaratishda Ole-Gunnar Sulsher shogirdlari raqibga qaraganda faolroq bo‘ldi.
Ikkinchi bo‘lim ham xuddi birinchisi kabi zerikarli ruhda o‘tdi va nursiz durang o‘yin yakuniga qadar saqlanib qoldi.
Shu tariqa “Manchester Yunayted” 20 ochko bilan 7-pog‘onada bormoqda, “Manchester Siti” (19) esa 8-o‘ringa joylashgan.
Shuningdek, kun doirasida o‘tkazilgan bahslarda “Vulverhempton” hakam tomonidan qo‘shib berilgan vaqtda urilgan gol tufayli “Aston Villa”ga yutqazib qo‘ydi. “Nyukasl” esa o‘zida “Vest Bromvich”dan ustun keldi.
APL
12-tur bahslari
12-dekabr, shanba
“Manchester Yunayted” — “Manchester Siti” 0:0
“Manchester Yunayted”: De Xea, Maguayr, Uan-Bissaka, Lindelyof, Shou, Brunu Fernandesh, Fred, Pogba, Maktominey, Reshford, Grinvud (Marsyal, 74).“Manchester Siti”: Ederson, Stounz, Ruben Diash, Joau Kanselu, Uoker, de Bryuyne, Rodri, Sterling, Fernandinyo, Mahrez (Ferran Torres, 66), Gabriel Jezus.
Ogohlantirishlar: Maguayr (79), Fernandinyo (87).
“Vulverhempton” — “Aston Villa” 0:1
Gol: 0:1 – 90+4, penalti al-G‘azi.“Nyukasl” — “Vest Bromvich” 2:1
Gollar: 1:0 – 1 Almiron, 1:1 – 50 Ferlong, 2:1 – 82 Geyl.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)