Футбол бўйича Англия Премьер Лигасининг 12-турида «Манчестер Юнайтед» 12 декабрь, шанба куни «Манчестер Сити» билан баҳс юритди.
Учрашувнинг биринчи бўлими ўртача темпда ўтди. Тўп назорати «шаҳарликлар» томонида бўлган бўлса, голга тортадиган вазиятлар яратишда Оле-Гуннар Сульшер шогирдлари рақибга қараганда фаолроқ бўлди.
Иккинчи бўлим ҳам худди биринчиси каби зерикарли руҳда ўтди ва нурсиз дуранг ўйин якунига қадар сақланиб қолди.
Шу тариқа «Манчестер Юнайтед» 20 очко билан 7-поғонада бормоқда, «Манчестер Сити» (19) эса 8-ўринга жойлашган.
Шунингдек, кун доирасида ўтказилган баҳсларда «Вулверҳэмптон» ҳакам томонидан қўшиб берилган вақтда урилган гол туфайли «Астон Вилла»га ютқазиб қўйди. «Ньюкасл» эса ўзида «Вест Бромвич»дан устун келди.
АПЛ
12-тур баҳслари
12 декабрь, шанба
«Манчестер Юнайтед» — «Манчестер Сити» 0:0
«Манчестер Юнайтед»: Де Хеа, Магуайр, Уан-Биссака, Линдельоф, Шоу, Бруну Фернандеш, Фред, Погба, Мактоминей, Рэшфорд, Гринвуд (Марсьяль, 74).«Манчестер Сити»: Эдерсон, Стоунз, Рубен Диаш, Жоау Канселу, Уокер, де Брюйне, Родри, Стерлинг, Фернандиньо, Маҳрез (Ферран Торрес, 66), Габриэль Жезус.
Огоҳлантиришлар: Магуайр (79), Фернандиньо (87).
«Вулверҳэмптон» — «Астон Вилла» 0:1
Гол: 0:1 – 90+4, пенальти ал-Ғази.«Ньюкасл» — «Вест Бромвич» 2:1
Голлар: 1:0 – 1 Альмирон, 1:1 – 50 Ферлонг, 2:1 – 82 Гэйл.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)