Fotogalereya: Dunyoning eng yirik va chiroyli shaharlaridan biri Chikago 225 yoshda

Amerikaga sayohat qilishni istagan sayyohlar, avvalo, jahonning eng yirik megapolislaridan biri bo‘lgan Chikago shahriga borishni ko‘zlashi sir emas. Illinoys shtatining markazi hisoblangan ushbu shahar chindan ham baland binolari, tabiati, gavjum va zamonaviy ko‘chalari bilan e’tiboringizni tortadi. 4-dekabr – Illinoysning yuragi bo‘lgan Chikago tashkil topgan kun. “Daryo” sana munosabati bilan shahar haqidagi qiziqarli ma’lumotlarni va fotojamlanmani e’tiboringizga havola etadi. 

Shtatning bugungi qizg‘in hayotidan tarixga qaytadigan bo‘lsak, 3-dekabr aynan AQSh shimolidagi Illinoys 21-shtat sifatida tashkil topgan kun ekaniga guvoh bo‘lamiz. Illinoys nomi “yuqori darajali kishilar qabilasi” ma’nosini beradi. Michigan ko‘li bilan Ogayo va Missisipi daryolari oralig‘ida joylashgan shtat maydoni 146 ming km kvadratni tashkil qiladi. Illinoysdan muhim transkontinental yo‘llar va AQShning asosiy ichki suv yo‘llari o‘tgan.

Illinoysning eng katta shahri va iqtisodiy markazi Chikago shahri hisoblanadi. 4-dekabr sanasida jahonga mashhur Chikago ham shahar sifatida tashkil etilgan. 1803-yilgacha katta qishloq joylashgan ushbu hudud 1833-yildan shahar maqomiga ega bo‘ldi. Chikago AQShning aholisi eng ko‘p shaharlaridan biri. Bugungi kunda shahar jahon savdosi, moliyasi, san’ati, texnologiyasi, ta’limi va shou-biznesiga katta ta’sir ko‘rsatib keladi. Iqtisodiy ahamiyatiga ko‘ra, AQShda Nyu-Yorkdan keyin 2-o‘rinda baholanadi. NATOning asosiy binosi ham Chikagoda joylashgan.